Як расказаў Надзвычайны і Паўнамоцны Пасол Дзяржавы Ізраіль у Рэспубліцы Беларусь Зееў Бен-Ар’е, экспазіцыя прадставіць больш за 800 кніг ізраільскіх, беларускіх і расійскіх выдавецтваў — мастацкія творы, гістарычныя, рэлігійныя выданні. Экспазіцыя дзіцячай літаратуры будзе суправаджацца выставай ілюстрацый ізраільскіх мастакоў да дзіцячых кніг. Мы прэзентуем перакладзены з іўрыту на беларускую мову зборнік апавяданняў Этгарта Керэта “Кіроўца аўтобуса, які хацеў стаць Богам”, і адзіны пераклад з беларускай на іўрыт апавяданняў Васіля Быкава. Пазней экспазіцыя пабывае яшчэ ў Гродне, Магілёве, Брэсце. Ля стэнда пачэснага госця можна будзе сустрэцца з ізраільскімі паэтамі, пісьменнікамі, журналістамі, а таксама з беларускімі літаратарамі, якія пішуць на яўрэйскую тэматыку.
Увогуле, у праграме выставы-кірмашу больш за 120 мерапрыемстваў — семінары, “круглыя сталы”, кансультацыі, прэзентацыі кніг, сустрэчы з беларускімі пісьменнікамі, выступленні прафесійных артыстаў.
