Супрацоўнікі калужскага абласнога краязнаўчага музея і Калужскага абласнога мастацкага музея выказалі гатоўнасць стварыць электронныя копіі партрэтаў роду Нямцэвічаў, арыгіналы якіх захоўваюцца ў калекцыях гэтых музеяў
Творы былі вывезены з маёнтка Скокі (цяпер Брэсцкі раён) у 1915 годзе. У цяперашні час фізічны стан палотнаў дазваляе выканаць здымкі, аднак перадусім неабходна спачатку правесці адпаведную рэстаўрацыйную падрыхтоўку партрэтаў, што патрабуе некаторага часу.
Нагадаем, гэта пытанне было абмеркавана пад час візіту Міністра культуры Беларусі Паўла Латушкі ў Маскву ў красавіку 2010 года, калі адкрываўся Год культуры Рэспублікі Беларусь у Расійскай Федэрацыі.
Тады прайшлі двухбаковыя перамовы з Міністрам культуры Расіі Аляксандрам Аўдзеевым. Такім чынам, дасягнутая раней дамова адносна больш шырокага выкарыстання ў рабоце музеяў культурных каштоўнасцяў атрымала пацверджанне і развіццё.
Міністэрствы культуры Беларусі і Расіі выказваюць упэўненасць, што паспяховая рэалізацыя гэтага праекта дазволіць краінам паслядоўна праводзіць курс на фарміраванне і ўмацаванне адзінай культурнай прасторы Саюзнай дзяржавы.
Дарэчы. Родавая сядзіба Нямцэвічаў у вёсцы Скокі, як сцвярджаюць гісторыкі, вядомая сваёй адметнай роляй у завяршэнні Першай сусветнай вайны. Менавіта ў Скоках 15 снежня 1917 года было падпісана ваеннае перамір’е паміж Германіяй і яе саюзнікамі, з аднаго боку, і бальшавіцкай Расіяй — з другога. А 3 сакавіка 1918 года падпісаны знакаміты Брэсцкі мір, тады фармальна і завяршыўся ўдзел Расіі ў вайне. І адбылося гэта, паводле ўдакладненых гістарычных звестак, у Скоках, а не ў Белым палацы тагачаснай Брэст-Літоўскай крэпасці, як лічылі раней.
Творы былі вывезены з маёнтка Скокі (цяпер Брэсцкі раён) у 1915 годзе. У цяперашні час фізічны стан палотнаў дазваляе выканаць здымкі, аднак перадусім неабходна спачатку правесці адпаведную рэстаўрацыйную падрыхтоўку партрэтаў, што патрабуе некаторага часу.
Нагадаем, гэта пытанне было абмеркавана пад час візіту Міністра культуры Беларусі Паўла Латушкі ў Маскву ў красавіку 2010 года, калі адкрываўся Год культуры Рэспублікі Беларусь у Расійскай Федэрацыі.
Тады прайшлі двухбаковыя перамовы з Міністрам культуры Расіі Аляксандрам Аўдзеевым. Такім чынам, дасягнутая раней дамова адносна больш шырокага выкарыстання ў рабоце музеяў культурных каштоўнасцяў атрымала пацверджанне і развіццё.
Міністэрствы культуры Беларусі і Расіі выказваюць упэўненасць, што паспяховая рэалізацыя гэтага праекта дазволіць краінам паслядоўна праводзіць курс на фарміраванне і ўмацаванне адзінай культурнай прасторы Саюзнай дзяржавы.
Дарэчы. Родавая сядзіба Нямцэвічаў у вёсцы Скокі, як сцвярджаюць гісторыкі, вядомая сваёй адметнай роляй у завяршэнні Першай сусветнай вайны. Менавіта ў Скоках 15 снежня 1917 года было падпісана ваеннае перамір’е паміж Германіяй і яе саюзнікамі, з аднаго боку, і бальшавіцкай Расіяй — з другога. А 3 сакавіка 1918 года падпісаны знакаміты Брэсцкі мір, тады фармальна і завяршыўся ўдзел Расіі ў вайне. І адбылося гэта, паводле ўдакладненых гістарычных звестак, у Скоках, а не ў Белым палацы тагачаснай Брэст-Літоўскай крэпасці, як лічылі раней.
