У адміністрацыі Лагойскага раёна патлумачылі, што Тальменскі раён Алтая мае даўнія гістарычныя сувязі з Беларуссю. Напрыклад, менавіта ў Тальменцы ўстаноўлены помнік дружбы расійскага і беларускага народаў “Алтай — Хатынь”. “Тут пабраталіся зямля Алтая з зямлёй Хатыні. Хай будзе бессмяртным гэтае братанне — гэтая святыня” — такі надпіс на помніку.Варта адзначыць, што ў Алтайскім краі, паводле афіцыйных звестак, цяпер пражываюць звыш васьмі тысяч беларусаў. Актыўна супольна дзейнічаюць Беларуская нацыянальна-культурная аўтаномія ў Барнауле і Беларускае зямляцтва на Алтаі.
