Сёлета брэстаўчан адселяць са старога і аварыйнага жылля.
Аб гэтым распавёў старшыня Брэсцкага гарвыканкама ў час нарады гаспадарчага актыву горада. Паводле яго слоў, летась у Брэсце быў пабудаваны дом на 80 кватэр для тых, каго адсяляюць з небяспечнага жылля. Як падкрэсліў мэр, горад патрабуе яшчэ 1 тыс. кв. м сацыяльных плошчаў, каб цалкам вырашыць гэтую праблему. На думку Аляксандра Палышанкова, да канца 2014 года пытанне будзе знята.
