Самай папулярнай кнігай у пачынаючых сцэнарыстаў, аператараў і рэжысёраў стала аповесць Барыса Васільева «А зоры тут ціхія...». Каля 40% конкурсных буктрэйлераў знята менавіта па гэтай кнізе. Сярод работ, якія найбольш спадабаліся інтэрнэт-карыстальнікам, — буктрэйлеры па паэме Аляксандра Твардоўскага «Васіль Цёркін» («Сыраваткінскія яслі-сад — сярэдняя школа» Смаргонскага раёна), па аповесці Васіля Быкава «Абеліск» (гімназія № 7 горада Віцебска), па рамане Міхаіла Шолахава «Яны змагаліся за Радзіму» (Палескі дзяржаўны ўніверсітэт).
Сваіх фаварытаў вызначыла і прафесійнае журы. Гэтыя работы пакажуць сёння падчас On Air марафону «Беларусь памятае. Кветкі Вялікай Перамогі», які адбудзецца на сцэне Драматычнага тэатра Беларускай Арміі. Трансляцыя канцэрта пройдзе з 15.00 да 16.00 у афіцыйных суполках БРСМ у сацыяльных сетках і на партале выдавецкага дома «Беларусь сегодня» sb.by — аднаго з суарганізатараў марафона.
mila@sb.by
