Навуковыя распрацоўкi i перадавыя тэхналогіі даюць iмпульс развiццю эканомiкi. Рэспублiканскi конкурс iнавацыйных праектаў дазваляе выявiць i прасунуць лепшыя з iх. Дзякуючы падтрымцы дзяржавы iдэi таленавiтых распрацоўшчыкаў камерцыялiзуюцца, укараняюцца ў розных галiнах i карыстаюцца попытам за мяжой — аб’ём экспарту высокатэхналагiчнай прадукцыi па вынiках 2020 года чакаецца на ўзроўнi 15 мiльярдаў долараў. У гэтым годзе спаборніцтва прайшло ў адзiнаццаты раз i сабрала дзясяткi ўдзельнiкаў. Учора ў Мiнску назвалi лепшыя iнавацыйныя праекты i ўзнагародзiлi прызёраў i лаўрэатаў.
Усяго ў конкурсе ўзнагароджана 12 iнавацыйных праектаў.
У гэтым годзе на конкурс пададзена 71 заяўка, з iх у намiнацыi «Лепшы iнавацыйны праект» — 24 распрацоўкі, у намiнацыi «Лепшы маладзёжны iнавацыйны праект» — 47 заявак.
Выступаючы з прывiтальным словам на цырымонii ўзнагароджання, старшыня Дзяржаўнага камiтэта па навуцы i тэхналогiях Аляксандр Шумiлiн звярнуў увагу, што iнавацыi ў Беларусi накiраваны на вырашэнне пытанняў эканомiкi i грамадства.
— У гэтым годзе як нiколi актуальныя праекты, накiраваныя на супрацьдзеянне пандэмii i развiццё медыцынскiх тэхналогiй. Нягледзячы на некаторае знiжэнне колькасцi заявак, значна ўзрасла якасць распрацовак. У фiнале конкурсу разбежка памiж прызёрамi склала дзясятыя часткi бала, — распавёў Аляксандр Шумiлiн.
Паводле яго слоў, конкурс мае добрую гiсторыю i задумваўся для таго, каб выбудаваць iнавацыйны «лiфт», бо акрамя сур’ёзных прызоў, а прыз за першае месца складае больш за дзве тысячы рублёў, прадастаўляюцца гранты для камерцыялiзацыi задум. Першы капiтал дазваляе стварыць вопытны ўзор, прайсцi праграму акселерацыi, падрыхтаваць сур’ёзны бiзнес.
Перамогу ў намiнацыi «Найлепшы iнавацыйны праект» атрымаў Аляксандр Глуткiн з Гродзенскага дзяржаўнага медыцынскага ўнiверсiтэта. Яго распрацоўка — касметычны комплекс GLUDERM, прызначаны для аднаўлення скуры пасля лячэння вострых i хранiчных ран, а таксама для пацыентаў з атапiчным дэрматытам i павышанай сухасцю скуры. Прэпарат рыхтуецца да вытворчасцi ў Беларусi. Аляксандру далі сертыфiкат на атрыманне грашовых сродкаў ў памеры 571 базавай велiчынi.
Распрацоўка студэнта педыятрычнага факультэта Беларускага дзяржаўнага медыцынскага ўнiверсiтэта Андрэя Капiтонава перамагла ў намiнацыi «Лепшы маладзёжны iнавацыйны праект». Ён стварыў нейрасетку для аўтаматычнай класiфiкацыi рэнтгенаграм органаў грудной клеткi з мэтай хуткага выяўлення прыкмет COVID-19 у асiмптаматычных пацыентаў падчас правядзення рэнтгенаграфii (р-ОГК). Асновай для стварэння нейрасеткi стануць дадзеныя як з адкрытых крынiц, так i з клiнiк Мiнска, з якiмi ўжо ўзгоднены доступ да паказчыкаў iнструментальных даследаванняў.
Усяго ў конкурсе ўзнагароджана 12 iнавацыйных праектаў. Другое i трэцяе месцы ў намiнацыях «Лепшы iнавацыйны праект» i «Лепшы маладзёжны iнавацыйны праект» атрымалi распрацоўкi ў такiх галiнах, як сельскагаспадарчыя навукi i тэхналогii, матэрыялазнаўства, прамысловыя i будаўнiчыя тэхналогii, сацыяльна-эканамiчная, гуманiтарная i грамадская навука.
malyshchyts@sb.by
