Год назад от взрыва газа в деревне Волковичи Толочинского района погибли пожилая женщина и ее 5-летняя внучка. Как произошла трагедия? 46-летний родственник самостоятельно менял газовый баллон в доме. Проверку герметичности проводил при помощи зажженной спички. В результате газ вспыхнул, и мужчину выбросило на улицу. Когда он пришел в себя, то увидел, что дом полностью охвачен огнем. Пожар унес две жизни, а его виновника госпитализировали с сильнейшими ожогами.
Соблюдайте 10 элементарных правил:
1. При утечке газа не зажигайте спички, не курите, не включайте свет и электроприборы.
2. Почувствовав характерный запах газа, немедленно перекройте его.
3. Чтобы проветрить помещения, откройте окна или форточки, входную дверь. Покиньте дом и вызовите специалистов по телефону 104 или спасателей-пожарных по телефонам 101 или 112.
4. Если у вас включены освещение, телевизор и другие электроприборы, выключать их нельзя, так как искра в розетке или выключателе может привести к взрыву.
5. Чтобы исключить вероятность утечки газа, перед эксплуатацией соответствующих приборов пройдите инструктаж по технике безопасности у специалистов, получите документ на право эксплуатации.
6. Не подпускайте к газовым приборам детей и лиц, не знающих правил обращения с ними.
7. Не храните газовые баллоны в гаражах, квартирах, на балконах, заправляйте их только в специализированных пунктах.
8. Самостоятельно не подключайте и не отключайте газовые плиты в квартирах, не используйте их для обогрева жилья.
9. Сначала зажгите спичку, а затем откройте подачу газа.
10. Уходя из дома, не забывайте выключать плиту и перекрывать вентиль на баллоне.
Жыццё пад напружаннем
Узімку ў нас вельмі холадна, вырашылі купіць абагравальнік. Але наш дом пабудаваны сорак гадоў таму, праводка не разлічана на вялікае напружанне. На што трэба звярнуць увагу пры выбары электрапрыбораў, каб пазбегнуць бяды? Лідзія Саламейчык, Вілейскі раён
У МНС падлічылі, што часцей за ўсё пажары з-за няспраўнасці электраабсталявання ўзнікаюць восенню і зімой. Мы ўключаем у электрасеткі вялікую колькасць прыбораў, у тым ліку электраабагравальнікі, каларыферы, і атрымліваем праблемы. Нельга прымяняць самаробныя абагравальнікі, карыстацца прыборамі, якія не адключаюцца аўтаматычна. У каларыфера павінна быць падстаўка з негаручых цеплаізаляцыйных матэрыялаў, а таксама спраўны тэрмарэгулятар. Звярніце на гэта ўвагу пры пакупцы. Эксплуатаваць электраабсталяванне трэба згодна з патрабаваннямі інструкцый вытворцаў.
Адна з галоўных умоў вашай бяспекі: прыборы і правады павінны быць цэлыя і непашкоджаныя. Нельга абклейваць і афарбоўваць электрычныя кабелі. Пашкоджаная ізаляцыя, няспраўныя камутацыйныя апараты, раздымныя кантактныя злучэнні — гэта далёка не поўны спіс магчымых пагроз.
Не ўжывайце ў якасці электрасетак радыё- і тэлефонныя правады. Скруткі дроту, “жучкі” замест аўтаматычных засцерагальнікаў і калібраваных плаўкіх уставак і іншыя прыдумкі непрафесійных электрыкаў могуць у рэшце рэшт пакінуць вас без даху над галавой у выніку пажару.
Нельга непасрэдна злучаць паміж сабой жылы электрычных правадоў, выкананых з розных матэрыялаў, напрыклад, з медзі і алюмінію.
Не пакідайце без нагляду ўключаныя ў сетку прыборы і абсталяванне, за выключэннем тых, дзе інструкцыяй гэта дапускаецца. Адлегласць ад свяцільняў з лямпамі напальвання і электрычных прыбораў да гаручых матэрыялаў павінна быць не менш за паўметра.
Каб на ранняй стадыі выявіць няспраўнасці праводкі, спецыялізаванай арганізацыі трэба замовіць вымярэнне супраціўлення яе ізаляцыі.
Не пакідайце малых адных у пакоі, дзе працуюць электрапрыборы.
ЛІЧБЫ І ФАКТЫ
За мінулы год у жылым сектары з-за парушэнняў правілаў карыстання і эксплуатацыі электрасетак і электраабсталявання адбылося звыш 760 пажараў, ад якіх загінулі больш за 20 чалавек
Танцуйце ад бяспекі
Маёй маці пераваліла ўжо за восемдзесят, жыве яна ў вёсцы і ў горад нават на зіму перабірацца не жадае. А я не магу спаць спакойна: раптам нешта здарыцца з печчу ці ўзнікне пажар. Такіх выпадкаў шмат. Падкажыце, як засцерагчы матулю ад бяды? Іван Сяржэўскі, Старадарожскі раён
У мінулым годзе ў нашай краіне было зарэгістравана больш за 1000 пажараў, звязаных з пячным ацяпленнем, паведаміў намеснік начальніка ўпраўлення нагляду і прафілактыкі МНС Руслан Ліхаманаў. Зімой рызыка значна павялічваецца. Напрыклад, летась у вёсцы Маршалкi Валожынскага раёна ў жылой хаце з прычыны расколін у муры коміна нагрэтыя прадукты гарэння падпалілі будаўнічыя канструкцыі. Гаспадар загінуў — атруціўся дымам.
Нагадаем асноўныя правіла бяспекі карыстання печчу і комінам.
ПАМЯТКА
У печы не павінна быць расколін і шчылін. Трэба, каб комін забяспечваў добрую цягу і быў пабелены, — каб на белым фоне можна было заўважыць расколіны, якія з’яўляюцца падчас карыстання.
Перад пачаткам ацяпляльнага сезона i далей штоквартальна печы i комiны трэба чысцiць ад сажы.
Печ і дымавая труба ў месцах злучэння з драўлянымі канструкцыямі павінны мець патаўшчэнне цаглянага муру, так званае разроблiванне, або паветраны зазор — адыходжанне.
Каб вуглі выпадкова не прывялі да пажару, прыбіце перад топкай на драўлянай падлозе металічны ліст памерам не менш 50х70 см.
Тапіць у доме рэкамендуецца два-тры разы ў дзень і не больш чым па паўтары гадзіны. Спыняйце топку як мінімум за дзве гадзіны да сну. За гэты час дровы паспеюць перагарэць, і можна будзе зачыніць комін.
Ні ў якім разе не выкарыстоўвайце пры падпалцы лёгкаўзгаральныя і гаручыя вадкасці.
Не пакідайце печ без нагляду, калі яна топіцца, каб не ўзнік пажар.
Няварта сушыць цi складваць непасрэдна на печы i на адлегласцi меней за 1,25 м ад топачных адтулiн палiва, адзенне, iншыя гарyчыя матэрыялы.
Попел і перагарэлае вуголле нельга выкідваць бліжэй чым за 15 м ад будынкаў. Калі гэта зрабіць немагчыма, дапускаецца складваць попел і шлак на адлегласці да 6 м у кантэйнерах з негаручых матэрыялаў са шчыльна зачыненым вечкам.
Не дазваляйце дзецям распальваць агонь. Адрамантуйце сваю печ і дапамажыце давесці яе да ладу сваім бацькам — зрабіць гэта значна танней, чым ліквідаваць наступствы пажару.
