Самае вялікае беларускае возера становіцца модным курортам для расіян і спаборнічае ў папулярнасці з латышскай Юрмалай, армянскім Севанам
Возера Нарач, якое называюць беларускай пярлінай, увайшло ў тройку самых папулярных сярод расіян курортаў для летняга адпачынку на прасторах былога СССР. Такое заключэнне можна зрабіць, аналізуючы дадзеныя расійскага сэрвіса анлайн-браніравання гатэляў Oktogo.ru.
Нагадаем, у мястэчку Нарач у 2011-м адкрыўся трохзоркавы гатэль з еўрапейскім узроўнем камфорту. Увогуле ж там ствараецца курорт сусветнага класа. Чыстая цёплая вада, маляўнічыя пейзажы, велізарная колькасць мінеральных крыніц, мяккі клімат, малыя вёскі і старыя гарады, якія зберагаюць таямнічыя знакі мінуўшчыны… Што і казаць, прывабнае месца для турыстаў. Ды іх плынь прыносіла да берагоў возера і на яго воды нямала экапраблем, і ў 1999 годзе там створаны Нацыянальны парк “Нарачанскі”.
У тройку найбольш папулярных, паводле дадзеных расійскага сайту, увайшлі таксама возера Ісык-Куль у Кыргызстане і курорт Бурабай-Баравое ў Казахстане. Далей у рэйтынгу — Гагры (Абхазія), Худат (Азербайджан), Юрмала (Латвія), возера Севан (Арменія), Паланга (Літва), Батумі (Грузія), Вадул-луй-Водэ (Малдова). Рэйтынг складзены на аснове дадзеных аб тым, як на цяперашняе лета браніравалі месцы на курортах расійскія грамадзяне.
На тэрыторыі Нацыянальнага парка, які адсвяткаваў 15-годдзе, ёсць аўтакемпінг “Нарач”, 8 гасцявых катэджаў і база адпачынку на 200 наведвальнікаў, 16 турстаянак на ўзбярэжжах 11 азёр. Там больш за 20 маршрутаў, летась на іх пабывала больш за 43 тысячы турыстаў.
Возера Нарач, якое называюць беларускай пярлінай, увайшло ў тройку самых папулярных сярод расіян курортаў для летняга адпачынку на прасторах былога СССР. Такое заключэнне можна зрабіць, аналізуючы дадзеныя расійскага сэрвіса анлайн-браніравання гатэляў Oktogo.ru.
Нагадаем, у мястэчку Нарач у 2011-м адкрыўся трохзоркавы гатэль з еўрапейскім узроўнем камфорту. Увогуле ж там ствараецца курорт сусветнага класа. Чыстая цёплая вада, маляўнічыя пейзажы, велізарная колькасць мінеральных крыніц, мяккі клімат, малыя вёскі і старыя гарады, якія зберагаюць таямнічыя знакі мінуўшчыны… Што і казаць, прывабнае месца для турыстаў. Ды іх плынь прыносіла да берагоў возера і на яго воды нямала экапраблем, і ў 1999 годзе там створаны Нацыянальны парк “Нарачанскі”.
У тройку найбольш папулярных, паводле дадзеных расійскага сайту, увайшлі таксама возера Ісык-Куль у Кыргызстане і курорт Бурабай-Баравое ў Казахстане. Далей у рэйтынгу — Гагры (Абхазія), Худат (Азербайджан), Юрмала (Латвія), возера Севан (Арменія), Паланга (Літва), Батумі (Грузія), Вадул-луй-Водэ (Малдова). Рэйтынг складзены на аснове дадзеных аб тым, як на цяперашняе лета браніравалі месцы на курортах расійскія грамадзяне.
На тэрыторыі Нацыянальнага парка, які адсвяткаваў 15-годдзе, ёсць аўтакемпінг “Нарач”, 8 гасцявых катэджаў і база адпачынку на 200 наведвальнікаў, 16 турстаянак на ўзбярэжжах 11 азёр. Там больш за 20 маршрутаў, летась на іх пабывала больш за 43 тысячы турыстаў.
