Чарнічны кароль і яго каралева

У будучую суботу ў Полацку ўжо ў чацвёрты раз пачнецца ягадны экафэст, прысвечаны збору чарніц.

У час спаборніцтва на хуткасць каля 500 зборшчыц і зборшчыкаў будуць працаваць у лясах шасці сельскіх Саветаў. Там жа пасля ўзважвання лясных дароў вызначаць каманды-пераможцы. Потым аматараў чарнічных спраў збяруць разам, каб узнагародзіць самых удачлівых і выбраць чарнічных караля, каралеву і прыгажуню.

Удзельнічаць у спаборніцтве пажадалі прадстаўнікі шматлікіх прадпрыемстваў, арганізацый і ўстаноў города, створана больш за 120 каманд. Фінальная частка экафэсту пройдзе ў горадзе, у гонар чарніц адбудзецца вялікае свята — з тэматычнымі пляцоўкамі, пленэрамі, выставамі, кансультацыямі траўніц, песнямі, танцамі і цікавымі конкурсамі. Чарнічную прыгажуню будуць выбіраць прафе-сійныя фатографы, кароль і каралева атрымаюць спецыяльныя сертыфікаты, а разам з гараджанамі на вуліцах Полацка будуць увесь дзень весяліцца Баба Яга, Лесавік со світай, іншыя госці.