Ала НЯДВЕДСКАЯ, в. Курганне
У санаторыі была,
Ой, як я намаялась!
Восем коечак зламала
І дамоў адправілась.
Ты, салома яравая,
Немалочаны авёс!
А майго мілёнка коршун
Замест курыцы ўнёс.
У мяне на сарафане
Розныя ўзорыкі,
І мяне за гэта любяць
Нашы алкаголікі!
Як набраўся мой п’янтос,
Мне хацеў расквасіць нос.
А я не разгубілася!
Патэльняю адбілася!
Наталля РЭДЗЬКО, в. Скірмантава
Дзе мы з міленькім стаялі,
Быў вясёлы ўгалок.
А цяпер на гэта месца
Бусел жабу прывалок.
Кавалер мой, кавалер!
Каб ты праваліўся.
Тры нядзелі прахадзіў,
Так і не жаніўся.
Пастарайцеся, дзяўчаты,
Усе канавы засыпаць.
Бо такія цяпер хлопцы,
Што з канавы не відаць.
Тамара САКАЛОЎСКАЯ, в. Скірмантава
Думала, любоў на сене
Я знайду з любімым Жэнем.
Нават не пацалаваў,
Толькі сена ўсё жаваў.
Не дай Божа з такім лёсам
Любіць хлопца з доўгім
носам.
Ён хацеў пацалаваць —
Не мог носа скіраваць.
