У НАЦЫЯНАЛЬНЫМ гістарычным музеі адкрылася ўнікальная выстава. Убачыць экспазіцыю можна па 26 студзеня 2014 года
Яна з’яўляецца сумесным праектам Расійскага этнаграфічнага музея (Санкт-Пецярбург) і Нацыянальнага гістарычнага музея Рэспублікі Беларусь.
Між іншым выстава «Белая Русь і яе суседзі» прэзентуецца ўпершыню, яна падрыхтавана спецыяльна для экспанавання ў нашай сталіцы. У яе ўвайшлі больш за 700 аўтэнтычных помнікаў традыцыйнай культуры народаў, якія засялялі землі гістарычнай вобласці, атрымаўшай назву «Белая Русь». Гэта не толькі беларусы, але і літоўцы, латышы, палякі, украінцы і ўсе тыя, хто некалі пражываў у межах адзінай дзяржавы — Вялікага Княства Літоўскага.
На выставе можна даведацца шмат цікавага пра рамесныя традыцыі: ткацтва, ганчарства, дрэваапрацоўку, кавальскую справу. Асаблівую ўвагу звяртае калекцыя ўнікальных музычных інструментаў. Там жа можна пабачыць традыцыйны касцюм, які дае прадстаўленне пра народы гэтага рэгіёна.
Подготовила Вера ГНИЛОЗУБ, «БН»
