Фокус-група медыяхолдынга правядзе прадкастынг дасланых музычных кампазіцый і сфарміруе спіс удзельнікаў жывога праслухоўвання. Гэты спіс будзе апублікаваны на сайце кампаніі не пазней за 22 студзеня. Само праслухоўванне запланавана на 27 студзеня. Зацікаўленыя змогуць назіраць за ім падчас анлайн-трансляцыі на сайце www.tvr.by.
Па выніках праслухоўвання, паведамляе прэс-служба Белтэлерадыёкампаніі, будзе вызначана група фіналістаў — да дванаццаці чалавек. Фінал пройдзе не пазней за 6 сакавіка ў форме шоу ў прамым тэлевізійным эфіры на каналах «Беларусь 1» і «Беларусь 24». Пераможцу па традыцыі вызначаць па выніках галасавання прафесійнага журы і гледачоў. Ён і прадста-
віць нашу краіну на 65-м конкурсе песні «Еўрабачанне-2020», які пройдзе ў маі ў нідэрландскім горадзе Ротэрдам. Сэнс сёлетняга слогана музычнага спаборніцтва Open Up («Адкрыйся») растлумачыў выканаўчы прадзюсар конкурсу Сітсэ Бакер: «Адкрыйся музыцы, адкрыйся Ротэрдаму, адкрыйцеся адзін аднаму. Адчуйце свабоду і дапоўніце гэты слоган так, як хочацца толькі вам».