І частушачніц тут нямала. Чаго толькі вартыя народны ансамбль народнай песні “Крыніца” раённага Дома культуры ды яго адвечны конкурсны сапернік ансамбль “Чапурушкі” з Васькавіцкага сельскага клуба.
Таму і стаў Слаўгарад амаль шаснаццаць гадоў назад цэнтрам правядзення абласнога свята “Народная прыпеўка”. У ім прынялі ўдзел спеўныя калектывы з 20 раёнаў. Звычайна на фэст з’яз-джаецца больш за 300 чалавек. Нават размяшчаць некаторых удзельнікаў даводзіцца ў суседніх Чавусах.
Подскажи, родная мать,
Как прореагировать:
То ли в лизинг милку взять,
То ль приватизировать?
После браги у Тараса
Морда — как у Фантомаса.
Лучше б пил одеколон:
Был бы, как Ален Делон.
Фэст — гэта пошук таленавітых індывідуальных выканаўцаў і калектываў, выяўленне лепшых узораў фальклорнай спадчыны і мясцовага аўтэнтычнага матэрыялу, папулярызацыя народнай творчасці. Тут ужо талентам разгарнуцца ёсць дзе, бо конкурсныя выпрабаванні праводзяцца па сямі намінацыях. Спаборнічаюць і асобныя частушачніцы, і дуэты, трыо, квартэты, і ансамблі, і чытальнікі-гумарысты...
У наступным ліпені намечана сабрацца ўжо на VIII такі фэст. Кожны з праведзеных фестываляў адкрываў новыя таленты. І такіх выканаўцаў, як частушачніца-салістка з Касцюковічаў Зінаіда Васільеўна Буталенка, ансамбль народнай песні “Прыпеўка” Дома культуры бройлернай фабрыкі Магілёўскага раёна, народны ансамбль народнай музыкі і песні “Жытніца” Арэхаўскага сельскага дома культуры Клічаўскага раёна, слухачы ўспрымаюць з асаблівай цеплынёй.
— “Слаўгарадская прыпеўка” не мае ўзроставых абмежаванняў, — расказвае галоўны рэжысёр Магілёўскага абласнога метадычнага цэнтра Зінаіда Білык. — На сцэну выходзяць і стары, і малы. Калі яны ўдзельнічалі ў апошнім фэсце, Зінаідзе Іванаўне і Паўлу Мікалаевічу Какоўкам з Тугаліцкага сельскага дома культуры Бабруйскага раёна было ўжо пад 80 год. Але чулі б вы, якія заліхвацкія прыпеўкі яны дэманстравалі!
Слаўгарадскі раён
