Беларусь, мой любы край,
Ты — мая Радзiма,
Не зраўняюцца з табой
Прыгажосцi Рыма.
Еўфрасiннi Крыж святы
I Скарыны слова —
Гэта скарб наш залаты,
А ў iм наша мова.
Гэта ўсё у нас з табой
Спадчына духоўная.
Беларуская душа —
Шчырая, грунтоўная.
Безлiч гора i пакут
Ты за вякi спазнала,
I за свой радзiмы кут
Жыццяў шмат паклала.
У Айчынную вайну
Мужнасцю бязмежнай
Атрымала права быць
Сёння незалежнай.
Будзеш ты ў вяках квiтнець,
Расцi будуць дзецi,
Будуць мову чуць тваю
Ва ўсiм белым свеце!
Фелiкс ШКIРМАНКОЎ, ветэран Вялiкай Айчыннай вайны.
Слаўгарад.
Советская Белоруссия № 92 (24722). Вторник, 19 мая 2015
