Яе апагеем стала вялікае навагодняе свята ў Палацы Рэспублікі, якое прайшло 23 снежня. Па сутнасці — галоўная ёлка краіны. Павіншаваць хлопчыкаў і дзяўчынак і выказаць ім самыя шчырыя і цёплыя пажаданні прыбыў Прэзідэнт: “Гэта асаблівы час, калі хочацца зрабіць штосьці добрае, падарыць навакольным радасць і добры настрой. У народзе кажуць: як сустрэнеш Новы год, так яго і правядзеш. Я вельмі хачу, каб вы сустрэлі гэтае цудоўнае свята шчаслівымі. Каб кожнае дзіця адчула любоў і клопат”.
Старшыня Савета Рэспублікі Міхаіл Мясніковіч прыняў удзел у дабрачынным свяце ў Кобрыне.
Старшыня Палаты прадстаўнікоў Нацыянальнага сходу Уладзімір Андрэйчанка наведаў Бягомльскую дапаможную школу-інтэрнат для дзяцей-сірот і дзяцей, якія засталіся без апекі бацькоў.
Самыя, мабыць, галоўныя словы Аляксандра Лукашэнкі былі падобныя на прызнанне, што ідзе ад самага сэрца: “Мне як Прэзідэнту краіны вельмі хочацца, каб вы, дзеці, шчасліва і дружна жылі сярод родных і блізкіх людзей. З аптымізмам глядзелі ў будучыню і верылі ў лепшае. А калі ў кагосьці не атрымліваецца, вы павінны ведаць: у краіне шмат спагадлівых людзей, якія ніколі не пакінуць вас у бядзе”. Акцыя “Нашы дзеці” — адно з самых маштабных і душэўных пацвярджэнняў гэтаму.
Фото БЕЛТА