МАРЫНАВАНЫЯ АГУРКI 3 ЦЫБУЛЯЙ
Складнiкi на 1 адналiтровы слоiк: агуркi, 1 цыбулiна, 1 лаўровы лiст, 2 гваздзiкi, 2 гарошыны духмянага перцу, 4 гарошыны чорнага перцу.
Марынад на некалькi (у залежнасцi ад напаўнення агуркамi) адналiтровых слоiкаў: 1,5 л вады, 2 ст. лыжкi солi, 180 г воцату, 6 ст. лыжак цукру.
Ваду закiпяцiць i дадаць воцат, соль, цукар. Цыбулю нарэзаць колцамi i пакласцi ў слоiк, туды ж дадаць лаўровы лiст, гваздзiку, духмяны перац, чорны перац i шчыльна паскладаць агуркi, затым залiць халодным марынадам. Стэрылiзаваць, пакуль агуркi не зменяць колер, затым зняць з агню i на 10 хвiлiн пакiнуць слоiкi ў вадзе. Закрыць накрыўкай.
БУЛЬБЯНЫЯ ПАМПУХI
Складнiкi: 300 г бульбы, 100 г малака, 10 г дражджэй, 2 ст. лыжкi мукi, 5 яечных бялкоў, 50 г сметанковага масла, соль.
У цёплым малацэ расчынiць дрожджы i муку. Пакiнуць на 2 гадзiны ў цёплым месцы.
Ачышчаную бульбу зварыць, абсушыць, патаўчы гарачай, астудзiць да 40 — 50oС, дадаць рошчыну*, яечныя бялкi, муку, добра перамяшаць i яшчэ пакiнуць на 1 гадзiну. Потым пасалiць, зноў перамяшаць i пячы, як аладкi.
* Рошчына — опара.
ФАРШМАК
I варыянт
Складнiкi: 500 г селядца, 50 г каўбасы, 3 яйкi, 1 цыбулiна, 1 памiдор, 1 агурок, 1 вiнны яблык, 100 г смятаны, перац, цукар, зелянiна пятрушкi.
Яйкi адварыць укрутую. Селядзец вымачыць, ачысцiць, прапусцiць праз мясасечку разам з каўбасой, яйкамi, цыбуляй i яблыкам, дадаць смятану i зелянiну пятрушкi. Усыпаць перац i цукар, перамяшаць, паскладаць на селядзечнiцу, упрыгожыць кавалачкамi яйкаў, памiдора i пасыпаць зелянiнай пятрушкi.
Для вастрынi можна апырскаць цытрынавым сокам.
II варыянт
Складнiкi: 1 селядзец, 2 яйкi, 1 яблык, 50 г булкi, 10 г сушаных грыбоў, 1 цыбулiна, 200 г малака, 100 г смятаны, 100 г маянэзу, 50 г алею, 1 морква, цукар, перац, цытрынавы сок*, зелянiна пятрушкi.
Яйкi адварыць укрутую. Вымачаны ў вадзе i малацэ селядзец ачысцiць ад костак i скуры. Сушаныя грыбы адварыць разам з морквай. Усё гэта прапусцiць праз мясасечку. Яблык i цыбулю нацерцi на тарцы, змяшаць з селядцом, дадаць сечаныя яйкi, булку, размочаную ў малацэ, алей, а ў канцы цытрынавы сок, перац, цукар. Усю ёмiну вымешаць, пакласцi на селядзечнiцу, апырскаць цытрынавым сокам, палiць зверху алеем, маянэзам цi смятанай, пасыпаць зелянiнай, упрыгожыць кавалачкамi цытрыны.
Фаршмак можна скласцi шчыльна ў слоiк i захоўваць у холадзе 5 — 6 дзён.
III варыянт. Па-зэльвенску
Складнiкi: 1 селядзец, 1 луста простай зэльвенскай булкi, 2 яйкi, 1 цыбуля, 20 г сушаных грыбоў, 100 г маянэзу цi 30 г алею.
Замачыць у вадзе лустачку зэльвенскай булкi без скарынкi. Ваду адцiснуць. Вараныя ўкрутую яйкi ачысцiць ад шкарлупiн. Селядзец ачысцiць ад вантробаў, костак i галавы. Селядзец, яйкi i цыбулю прапусцiць праз мясасечку. Сушаныя грыбы адварыць, адкiнуць на сiта, каб сцякла вада, ахаладзiць, потым таксама прапусцiць праз мясасечку, змяшаць з селядцом, цыбуляй i яйкамi. Дадаць маянэз альбо алей.
Намазаць на лусты хлеба i пасыпаць дробна сечанымi шчыпярамi цыбулi i зелянiнай кропу i пятрушкi.
* Цытрынавы сок — лимонный сок.
ЯЕЧНЯ 3 ДРАНIКАМI
Складнiкi. Для яечнi: 2 яйкi, 50 г сала, соль; для дранiкаў: 500 г бульбы, 1 яйка, 2 ст. лыжкi мукi, соль, свiны тлушч.
Абабраную бульбу надраць на дробнай тарцы, адцiснуць ваду, дадаць соль, соду, муку i яйка. Усё перамяшаць. Смажыць аладкi на гарачай патэльнi з тлушчам.
На другой патэльнi падскварыць сала, улiць яйкi i смажыць, пакуль не згорнецца бялок (жаўткi павiнны быць вадкiмi для мачання ў iх дранiкаў).
КЛЁЦКI
Складнiкi: 400 г мукi, 3 яйкi, 30 г сметанковага масла, 3 г соды, 450 г свiнога сала, соль.
Закiпяцiць 2 лiтры вады, пасалiць.
У муку дадаць соду, яйкi i сметанковае масла, улiць вады гэтулькi, каб цеста было, як густая смятана, i добра вымешаць, каб не было камякоў. Лыжкай, змочанай у вадзе, набiраць невялiкiя даўгаватыя клёцкi, класцi ў кiпячую ваду; калi ўсплывуць, выняць шумоўкай, паскладаць на талерку, палiць падсквараным салам.
