РЫБА Ў ЦЕСЦЕСкладнiкi: 750 г рыбы (шчупака, сама, стронгi цi iншай рыбы), 250 г пшанiчнай мукi, 250 г малака, 3 яйкi, 150 г алею, прыправы.
Мякаць рыбы без костак нарэзаць на кавалкi, палiць цытрынавым сокам, нацерцi прыправамi, абкачаць у муцэ, засмажыць на патэльнi з алеем. Муку прасеяць, распусцiць цёплым малаком, размяшаць, каб не было камякоў, дадаць яйкi, соль i пакiнуць на 15 хвiлiн.
Засмажаныя кавалкi рыбы акунуць у цеста, выкласцi на бляху* i запячы ў разагрэтай духоўцы.
* Бляха — противень.
ЗРАЗЫ СВЯТОЧНЫЯСкладнiкi: 800 г ялавiчыны цi любiвай свiнiны, 30 г сушаных грыбоў, 350 г курацiны, 2 цыбулiны, 50 г чарнаслiву, 50 г сыру, 100 г сметанковага масла, 1 яйка, 3 ст. лыжкi мукi, 3 ст. лыжкi тоўчаных сухароў, прыправы, соль.
Грыбы зварыць i падсмажыць разам з нашаткаванай цыбуляй. Вараную курацiну здрабнiць, да яе дадаць чарнаслiў, падсмажаныя грыбы i цыбулю, пасалiць, паперчыць, добра перамяшаць i прыгатаваць з гэтага начыння каўбаскi, якiя абкачаць у цёртым сыры.
Мяса нарэзаць тонкiмi кавалачкамi ўздоўж валокан, увелькi* з далонь, таўшчынёй да паловы сантыметра. Адбiць, пасалiць i паперчыць з абодвух бакоў. На кожны кавалак мяса пакласцi каўбаску, загарнуць, замацаваць нiткамi цi шыпулямi*. 3 дапамогай вiдэльца абмакнуць зразы ў сумесь малака, мукi i яйка, а потым абкачаць у тоўчаных сухарах. Падсмажыць на патэльнi ў сметанковым масле да атрымання румянай скарыначкi. Давесцi да гатовасцi ў духоўцы, дадаўшы крышку грыбнога адвару.
* Увелькi — величиной.
Шыпуль — деревянный шип, острая палочка.
ЦЫБУЛЬНIК 3 РЫСАМСкладнiкi: 500 г мяснога адвару, 5 цыбулiн, 200 г рысу, 1 морква, 50 г карэнняў салеры* i пятрушкi, 50 г сметанковага масла, 100 г смятаны, 10 г мукi, 1 цытрына, лаўровы лiст, перац, соль, зелянiна пятрушкi i кропу.
Рыс адварыць на мясным адвары. Цыбулю дробна нарэзаць, патушыць са сметанковым маслам i мукой. Карэннi варыць каля 30 хвiлiн, працадзiць. Карэннi змяшаць з цыбуляй, працерцi i злучыць з мясным адварам i рысам. Затым суп пасалiць, дадаць лаўровага лiсту, перцу i закiпяцiць. У талеркi пакласцi па 3 сталовыя лыжкi зваранага рысу, смятану i па лустачцы цытрыны, залiць гарачым супам, падаваць на стол, пасыпаўшы зелянiнай.
* Салера — сельдерей.
ПАЛЯНДВIЧКI СА СВIНОЙ ВЫРАЗКIПаляндвiчкi можна прыгатаваць i са свiных кумпякоў цi лапатак. Мяса нарэзаць пластамi таўшчынёй 2 — 3 см i, абрэзаўшы з усiх бакоў, надаць iм правiльную форму.
Кожны кавалак нашараваць сумессю з цукру i салетры* (на 1 кг мяса — 2,5 г салетры i 5 г цукру), затым соллю (на 1 кг мяса — 60 — 70 г солi) i пакiнуць на 3 тыднi.
Пасля гэтага кавалкi мяса пакласцi на 2 — 3 сутак у гатаваную* астуджаную ваду, каб яны сталi зусiм мяккiмi, пасля чаго iх прасушыць на працягу 15 — 20 дзён у халодным месцы, якое ветрыцца.
Падчас сушкi мяса некалькi разоў прасаваць качалкай, каб надаць яму прывабны выгляд.
* Салетра — селитра пищевая.
Гатаваная вада — кипяченая вода.
АДПЯРКI ПАЛЯЎНIЧЫЯСкладнiкi: 500 г мяса, 1 яйка, 2 ст. лыжкi тоўчаных сухароў, 1 яйка, бульба, 300 г грыбоў, 1 цыбулiна, 100 г тлушчу, 3 ст. лыжкi таматавай пасты, соль, перац.
Падрыхтаванае мяса нарэзаць тонкiмi скрылямi* ўздоўж валокан, увелькi з далонь, таўшчынёй да паловы сантыметра. Пасалiць i паперчыць з абодвух бакоў, адпярыць абухом сякеры, абкачаць ва ўзбiтым яйку, потым — у сухарах, абсмажыць з абодвух бакоў у тлушчы.
Адпяркi выкласцi на бляху, нашмараваную тлушчам, вакол мяса — бульбяныя стужкi-«спружынкi» (пакiнутыя ад папярэдняй стравы) цi бульбу, нарэзаную скрылькамi (бульбу пасалiць). Мяса i бульбу запячы ў духоўцы.
Падрыхтаваныя грыбы адварыць, падсмажыць разам з нашаткаванай цыбуляй, у канцы смажання дадаць солi, перцу i таматавай пасты.
Падаваць на адной талерцы.
* Скрылi — ломтики.
По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.
