Гатуй сваё

У адрозненне ад традыцыйных мадзьярскiх i трансiльванскiх гуляшоў–супоў гэты гуляш з наваколляў Дзярэчына, дзе аселi далёкiя продкi ваяроў Iштвана Баторыя (Бекiшы, Барташы, Купрашы i iнш.), гатуецца больш густым.

Складнiкi: 1 кг ялавiчыны цi любiвай свiнiны, 300 г цыбулi, 2 ст. лыжкi кмену, 3 ст. лыжкi папрыкi (молатага чырвонага перцу), дробка горкага чырвонага перцу, 7 часночных суквеццяў, 350 г каляровага салодкага перцу (жоўтага, зялёнага, чырвонага), 350 г памiдораў, 50 г лою* цi тлушчу, 1 ст. лыжка мукi, соль.

Ялавiчыну нарэзаць кавалачкамi па 20 г (пажадана, каб на кожным кавалачку была невялiкая частачка лою цi сала) i разам з нашаткаванай цыбуляй падсмажыць да залацiстага колеру, усыпаўшы кмен i папрыку. Залiць кiпенем i тушыць 1 гадзiну, пасля дадаць дробна нарэзаныя памiдоры, каляровы салодкi перац, часнок. Наверх пакласцi суквеццi са стрэлкамi часнаку i давесцi да гатовасцi.

Для ператварэння гэтага гуляшу ў сучасны традыцыйны мадзьярскi дастаткова зрабiць яго больш вадкiм i перад тым, як закласцi памiдоры, перац i часнок, дадаць бульбу, нарэзаную буйнымi скрылямi, а пасля гатовасцi пакласцi вараныя клёцкi.

Для клёцак спатрэбiцца: 160 г мукi, 1 яйка i дробка солi.

3 гэтых складнiкаў прыгатаваць цеста, раскатаць, нарэзаць невялiкiмi кавалачкамi. Клёцкi варыць у асобным рондалi, калi яны ўсплывуць на паверхню, адкiнуць на друшляк i дадаць да гуляшу.

Складнiкi: 3 памiдоры, 3 яблыкi, 50 г зялёнай салаты, 150 г смятаны, соль, зелянiна кропу i пятрушкi.

Падрыхтаваныя памiдоры i яблыкi нарэзаць кружочкамi, зялёную салату нашаткаваць. Усё пасалiць i пакласцi ўперамешку ў салатнiцу, залiць смятанай i пасыпаць дробна сечанай зелянiнай.

На 1 кг мяса трэба 25 — 30 г солi, 2 — 3 г перцу, 2 — 3 г цукру, 2 г маярану, трохi духмянага перцу, 1 1/2 г салетры*, для вэнджаных каўбас можна пакласцi больш салетры i перцу, а для вараных дадаць чабару, мушкатовага арэха, кмену, гваздзiкi i iшых прыпраў, да смаку можна дадаць таксама часнаку.

Мяса адлучыць ад костак, нарэзаць кавалачкамi, перасыпаць цукрам, салетрай i соллю. Пакiнуць мяса на суткi ў прахалодным памяшканнi для засолкi. Сала да каўбас нарэзаць маленькiмi кубiкамi i таксама паставiць на холад. Затым можна прапусцiць мяса праз мясасечку, дадаць прыпраў, старанна вымешаць i пакласцi нарэзанае сала. Прыгатаваныя кiшкi напоўнiць шчыльна мясным начыннем пры дапамозе адмысловай трубкi, далучанай да мясасечкi. Канцы завязаць нiткамi.

Гатовыя каўбасы павесiць вялiць цi павэндзiць у дыме альбо адварыць у вадзе, а затым абсмажыць на патэльнi цi запячы у печы.

Складнiкi: 1 кг бульбы, 300 г мукi, 2 яйкi, соль, алей.

Ачышчаную бульбу зварыць, абсушыць, патаўчы гарачай, астудзiць да 40 — 50оС, дадаць яйкi, муку. Масу змяшаць, пакiнуць на 10 хвiлiн для набракання клейкавiны, раскачаць тонкiм пластом на паверхнi, змазанай тлушчам, нарэзаць ромбiкамi, у сярэдзiне якiх зрабiць надрэзы, праз якiя прасунуць адзiн з вострых канцоў ромбiкаў.

Смажыць у вялiкай колькасцi алею да атрымання залацiстай хрумсткай скарыначкi.

Складнiкi: 200 г свежых грыбоў, 3 ст. лыжкi панцаку (ячных круп), 2 бульбiны, 1 памiдор, 2 цыбулiны, 2 ст. лыжкi сметанковага масла, 2 ст. лыжкi смятаны, лаўровы лiст, шчыпяры*, зелянiна пятрушкi.

Грыбы, перабраныя i прамытыя, адварыць без солi i працадзiць. Тушыць у масле разам з нашаткаванай цыбуляй. Прамытыя крупы залiць халоднай вадой i пакiнуць на 2 гадзiны для набракання, затым адварыць да гатовасцi. У грыбны адвар дадаць нарэзаную бульбу, панцак, тушаныя грыбы i цыбулю. За некалькi хвiлiн да канца варкi пакласцi дзелькi памiдора, соль, лаўровы лiст. Гатовы суп забялiць смятанай i пасыпаць зелянiнай.