«Дзявочнік» Гіпакрата

Гарадок. Незвычайны конкурс аб’явіла Гарадоцкае тэрытарыяльна-медыцынскае аб’яднанне. Галоўнымі гаспадынямі на ім вызначаны маладзенькія медыцынскія сястрычкі. Аднак за званне лепшай па прафесіі яны маюць намер змагацца не менш заўзята,чым прадстаўнікі моцнага полу.
Сярод гэтага “дзявочніка”, як высветліў карэспандэнт “Р”, актыўны ўдзел жанатых і барадатых не прадугледжаны. Якраз у першай палове лістапада будзе вызначана самая здатная “ўнучка Гіпакрата” мясцовага значэння. Каму з прэтэндэнтак на карону лепшай па прафесіі ва ўзросце ад 18 да 31 года дастанецца перамога, стане вядома ўжо праз лічаныя дні.