Літаграфіі Марка Шагала на біблейскія тэмы экспануюцца ў Маскве
26.06.2015 15:39:04
Літаграфіі славутага авангардыста на біблейскія тэмы экспануюцца ў Маскве.
Здаецца, наколькі б дасканала ні была вывучана творчасць Марка Шагала, яна ўсё роўна будзе здзіўляць аматараў мастацтва новымі гранямі. Няшмат людзей ведаюць пра серыю ілюстрацый, якія зрабіў майстар для Бібліі.
Яшчэ ў 1920-я гады Шагал атрымаў заказ на стварэнне малюнкаў да Кнігі кніг у тэхніцы афортаў — гравюр на медзі або цынку. Мастак на два месяцы адправіўся ў падарожжа па святых месцах Палестыны, наведаў Тэль-Авіў, а потым прыступіў да працы.
Зноў да біблейскай тэматыкі Шагал звярнуўся толькі пасля Другой сусветнай вайны. Да таго часу ён пазнаёміўся ў Амерыцы з тэхнікай каляровай літаграфіі (спосаб друку, пры якім адбітак атрымліваецца пераносам фарбы з паверхні каменю на паперу). У гэтай тэхніцы і выкананы 24 літаграфіі Шагала, якія экспануюцца на выставе “Пасланне свету” ў маскоўскай Must ART Gallery. Іх прадаставіў прыватны нямецкі калекцыянер. А пазнаёміцца з імі можна да канца лета.
mila@sb.by