Инфракрасные лампы, обогреватели, пледы: как Минский зоопарк готовится к зимнему сезону

Буслам мароз не страшны

Да зімовага сезона ў Мінскім заапарку абна­вілі вальеры для жывёл, устанавілі новыя домікі для паўлінаў і перарабілі электра­лінію па ўсёй тэры­торыі. Якія яшчэ перамены закранулі хаткі насельнікаў заапарка на парозе зімы, карэспандэнту «Р» распавяла вядучы заатэх­нік Аляўціна Цімаш­кова-Красоўская.

Насельнікаў заапарка ўжо з 1 верасня переводзяць на асенне-зімовы рацыён.

На асенне-зімовы рацыён жывёл пераводзяць ужо з 1 верасня. Прадуктовыя порцыі павялічваюць, каб звяры атрым­лівалі больш калорый і энергіі для самаабагрэву. 

Мы з Аляўцінай Генадзьеўнай падыходзім да вальеры, якую насяляюць зубры. Зараз ім устанаўліваюць новыя сцены загону. «Хаткі ўсіх жывёл абнаўляюцца і рамантуюцца да зімы. Напрыклад, дошкі мяняюць, таму што старыя з часам гніюць», — тлумачыць заатэхнік. За працай сталяра ўважліва сочыць зубр Барон. Бачна, што яму такое абнаўленне па душы — холад сустрэне ў новых сценах.

Пераход да зімоўкі адбываецца плаўна і мала залежыць ад надвор’я. Асноўны паказчык тут — гэта скарачэнне светлавога дня, сінхронна з якім змяняюцца і цыклы жывёл. Трапічных насельнікаў, якія ўлетку сядзелі на вуліцы, пераводзяць у зімовыя памяшканні. Для звяроў, якія спакойна пераносяць холад, у адкрытых вальерах мяняюць дэкарацыі.

Малпы пераехалі на свае зімо­выя «кватэры» з цэнтральным ацяпленнем і абагравальнікамі. Калі будзе вельмі холадна, падрыхтаваны яшчэ коўдры. 

— Шымпанзэ любяць заварочвацца ў коўдру, — дзеліц­ца назіраннямі Аляўціна Гена­дзьеўна. 

Непрадбачаных сітуацый у зімовы перыяд практычна не бывае. Нечаканасці здараюцца падчас рэзкай адлігі: вада затапляе вальеры, і жывёл эвакуіруюць у каранціны — невялікія запасныя памяшканні. Прастудных захворванняў у жывёл у халодную пару таксама амаль не назіраецца. Хваробы бываюць у міжсезонне.



Заходзім у экзатарыум, куды на днях перавялі трапічных жывёл. У кожнай вальеры заў­важаю ультрафіялетавыя і інфрачырвоныя лямпы. 

— Іх нядаўна павесілі, — папярэджвае заатэхнік. Яны мяняюцца кожны сезон і патрэбныя для імітацыі сонечнага святла, каб у жывёл засвойваліся вітамін D і кальцый, што дадаюць у ежу.

У звяроў нашых шырот усё нашмат прасцей: яны нікуды не пераязджаюць, ніякіх лямпаў ім не трэба. 

— Козам і ласю ўсё роўна, якія ўмовы надвор’я, галоўнае, што ёсць ежа, — адзначае Цімашкова-Красоўская. 

Асноўная ўмова зімоўкі ў адкрытых вальерах, каб быў цёплы кут, у які б не задзімала халоднае паветра і не было скразняку.

Мядзведзі да зімы становяцца больш спакойнымі, соннымі, а калі не даць ім заснуць — раздражняльнымі. Звычайна буры мядзведзь Трыстан кладзецца спаць да Новага года і дрыхне да вясны. Спіць ён у бярлозе, выбірае адну з двух і падрыхтоўвае яе да спячкі: цягне туды сена і высцілае. У сувязі з тым што зімы ў нас цёплыя, спячка неглыбокая, ён перыядычна прачынаецца, выходзіць падкарміцца і ўкладваецца спаць далей. 

У гэтым сезоне фазаны засялі­ліся ў новыя вальеры. Між іншым вальеры птушак ужо памянялі сваё афармленне на зімовае: калі раней яны ўпрыгожваліся галінкамі лісця­ных дрэў, то цяпер гэта яловыя лапы і шышкі. Белыя буслы зімуюць тут і вытрымліваюць маразы да 30 градусаў. Галоўнае для іх, каб была адкрытая вада, дзе б яны маглі грэць ногі, пазбягаючы абмаражэння. 

Нядаўна ў заапарку працягнулі новую электралінію — цяпер не будзе перабою з электразабеспячэннем. Да пераходу на зімовы перыяд задзейнічаны ўсе супрацоўнікі заапарка, а па штаце гэта 123 чалавекі. Зімоўе звяроў толькі ў казцы праходзіць хутка і лёгка, у заапарку гэта складаная работа.

Сяргей ГРУДНІЦКІ

Фота БЕЛТА і Юрыя МАЗАЛЕЎСКАГА
Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter