У гэтым сезоне па Нёмане будуць курсiраваць новыя i мадэрнiзаваныя маламерныя судны.Згодна з дакументам, у пералiк унутраных водных шляхоў краiны ўвайшоў Аўгустоўскi канал — ад мяжы з Польшчай да вусця (злiцця з Нёманам). У вынiку суднаходны шлях з Польшчы i Лiтвы адкрыўся не толькi па канале, але i па Нёмане.
Транспартны i пасажырскi флот на рацэ iснуе ўжо больш за сто гадоў. У цяперашнi час фiлiялам «Гродзенскi ўчастак РУП «Белводшлях» абслугоўваецца 92 кiламетры ракi. Пасля здачы ў эксплуатацыю Гродзенскай ГЭС у яго зараз дзве базы: адна — каля Лунна, другая — у гiстарычнай частцы Гродна. З мiнулага года ў зону абслугоўвання ўвайшоў 22-кiламетровы адрэзак Аўгустоўскага канала.
Таксама пастановай Савета Мiнiстраў ад 9 сакавiка 2020 года № 137 узгоднена стварэнне дзяржаўнай адмiнiстрацыi воднага транспарту. Такое рашэнне прынята для забеспячэння даступнасцi, павышэння якасцi i бяспекi паслуг воднага транспарту, а таксама для выканання мiжнародных абавязацельстваў Беларусi ў галiне гандлёвага мараплаўства. Фiнансаванне расходаў на функцыянаванне ўстановы ажыццяўляецца за кошт сродкаў рэспублiканскага бюджэту i iншых крынiц у адпаведнасцi з заканадаўствам.
Начальнiк фiлiяла «Гродзенскi ўчастак» рэспублiканскага ўнiтарнага Днепра-Дзвiнскага прадпрыемства водных шляхоў «Белводшлях» Аляксандр Маскалевiч расказвае пра перспектывы развiцця:
— Наша асноўная задача складаецца ў забеспячэннi бяспечных суднаходных умоў на участках ракi, якiя абслугоўваюцца. Атрымлiваем даход i ад будаўнiчай галiны. Тэхнiчны флот прадстаўлены 23 адзiнкамi тэхнiкi: баржамi, буксiрамi, плаўкранамi. Усяго ў фiлiяле працуе 65 чалавек. Створаная структура — дзяржаўная адмiнiстрацыя воднага транспарту — забяспечвае ўтрыманне ўнутраных водных шляхоў, ажыццяўляе дзяржаўнае рэгуляванне ў галiне ўнутранага воднага i марскога транспарту, з’яўляецца заказчыкам усiх вiдаў работ на рэках i вадаёмах. З дабаўленнем 22-кiламетровага воднага шляху Аўгустоўскага канала адкрываецца добрая перспектыва i для нашага прадпрыемства.
Пасажырскi водны транспарт фiлiяла «Белводшлях» прадстаўлены ў адзiным экзэмпляры. Гэта цеплаход «Вольга Соламава», якому больш за 60 гадоў. Быў час, калi ён цэлых пяць гадоў не эксплуатаваўся ў чаканнi капiтальнага рамонту. Больш за дзесяць гадоў таму на судне замянiлi практычна ўсё, i сёння яно гатова з камфортам катаць усiх жадаючых.
— У цэлым прагулачныя паездкi карыстаюцца попытам, — адзначае Аляксандр Вiктаравiч. — У лепшыя гады перавозiлi па 15—20 тысяч пасажыраў. А вось мiнулы год у гэтым плане правальны. Можна сказаць, цеплаход стаяў на прыколе. Спадзяёмся, што ў хуткiм часе ў нас з’явiцца магчымасць працаваць на Аўгустоўскiм канале разам з цеплаходам «Нёман».
Да будаўнiцтва плацiны Гродзенскай ГЭС рака мела пятляльны характар. Пасля затаплення ўтварылiся мелкаводныя ўчасткi, якiя не дазвалялi суднам хадзiць па прамой, даводзiлася ставiць дадатковыя плывучыя суднаходныя знакi. Вядуцца работы па спрамленнi i паглыбленнi суднавага ходу згодна з устаноўленым перавальным знаках.
— Кожную вясну па заказе РУП «Гроднаэнерга» дастаём з вадасховiшча дрэвы, якiя ўпалi. Пры выкананнi дноачышчальных работ у нiжнiм б’ефе асаблiвая ўвага надаецца прыбiранню камянёў з фарватару, якiя ў зiмовы перыяд пры вялiкiх маразах пакрываюцца наледдзю i рухаюцца па рэчышчы разам з лёдам. Акрамя таго, з дна ракi кранамi перыядычна выцягваем камянi-валуны.
З надыходам добрага надвор’я на водную роўнядзь выйдуць шматлiкiя маламерныя судны, парк якiх не толькi павялiчваецца, але i мадэрнiзуецца. З’яўляюцца рачныя таксi, мiнi-яхты, катары. Рачнiкi спадзяюцца на больш удалы сёлетнi сезон i актыўнае развiццё ўнутранага турызму.
Як лiчаць у СЭЗ «Гроднаiнвест», на тэрыторыi якой знаходзiцца спецыяльны турысцка-рэкрэацыйны парк «Аўгустоўскi канал», прыняцце рашэння аб яго ўключэннi ў водныя артэрыi краiны пасадзейнiчае адкрыццю новых турыстычных маршрутаў. Зона парку заканчваецца ў гiстарычным цэнтры, каля чыгуначнага моста цераз Нёман. Для замежных турыстаў гэта яшчэ адна ўнiкальная магчымасць наведаць Гродзеншчыну, паколькi адкрыецца мiжнароднае суднаходства па канале. У Гродна змогуць прыплысцi маламерныя судны, папулярныя на Захадзе хаўсботы, байдаркi.
vrublevskaya@sb.by
