Дырэктар Сяргей ПАЧКО.Тэхнічны арсенал базіруецца на трох машынна-трактарных дварах. Убіралі збажыну 13 зернеўборачных камбайнаў, з якіх два набылі сёлета. Нагрузка на камбайн перавысіла 270 гектараў.
— На тыдзень пазней, чым звычайна, пачалі абмалот збожжавых, — падсумоўвае вынікі жніва дырэктар ААТ «Аляксеевічы-Агра» Сяргей Пачко. — З першага дня камбайнеры ўзялі высокія тэмпы, працавалі ў полі да позняга вечара. Зерня намалочана па 34 цэнтнеры на круг, але на некаторых участках з азімай пшаніцай — звыш 60 цэнтнераў. Добра была арганізавана дзейнасць усяго ўборачнага канвеера. Ураджай з поля дапрацоўвалі на трох збожжатаках. Завяршылі жніво ў сярэдзіне жніўня.
Эканамічная служба падвяла вынікі ўборкі. Найбольшы намалот у камбайнера Віктара Логвіна. Памочнікам у яго працаваў сын Сяргей. Намалацілі разам 1793 тоны зерня. Зараз вопытны механізатар перасеў на трактар і апрацоўвае ад шкоднікаў пасевы азімага рапсу. На 65 тон меншы намалот у экіпажа Андрэя Шыла і Андрэя Дорна. Акрамя працы памочнікам камбайнера, Андрэй Дорн адвозіў на дваццацітонным МАЗе ўраджай на збожжаток. За сезон даставіў з поля амаль дзве з паловай тысячы збажыны. Узоры старання паказалі маладзёжныя экіпажы Уладзіміра Дацкевіча і яго памочніка Аляксандра Касмінчука, а таксама Яўгенія Куліка. На новым МАЗе перавёз ад камбайнаў звыш 1700 тон зерня ветэран працы Аляксандр Андрановіч. Перадавікі гаспадаркі ўключаны ў дэлегацыю раёна на абласным свяце-кірмашы «Дажынкі» ў райцэнтры Ганцавічы.
Вадзіцель Аляксандр КАНАНЧУК і механізатар Віктар ЛОГВІН на апрацоўцы пасеваў азімага рапсу.Засыпаныя ў засекі 12 тысяч тон збажыны забяспечаць патрэбы жывёлагадоўчай галіны. У сховішчах застаўся мінулагодні пераходны запас у 1800 тон зерня.
Хлебаробы поўнасцю справіліся з выкананнем дзяржзаказу. Адправілі 620 тон пшаніцы Пінскаму хлебакамбінату, 910 тон піваварнага ячменю прадпрыемству «Белсолад», 140 тон жыта аб'яднанню «Брэстхлебапрадукт» і амаль столькі ж насення рапсу сталічнаму маргарынаваму заводу. На палях даспяваюць крупяныя культуры. Пасля іх уборкі дзяржаве будзе пастаўлена 130 тон грэчкі і 20 тон проса.
Уборка кукурузы на сілас набірае тэмпы. Механізатарам патрэбна ўбраць яе на плошчы 2150 гектараў. Плануецца закласці амаль 55 тысяч тон кукурузнага сіласу. На паўтысячы гектарах яна вырошчваецца на зерне. Добра налітыя пачаткі даспяваюць, ёсць усе спадзяванні атрымаць звыш пяці тысяч тон зерня. Парадаваў высокім ураджаем рапс: з кожнага гектара намалочана 43 цэнтнеры насення, валавы збор перавысіў тры тысячы тон. У аптымальны тэрмін пасеяна 750 гектараў культуры.
На трамбоўцы сенажу трактарыст Ігар ЖЫТКОВІЧ.Зазелянелі ўсходы. Ажыўлена на суседніх палетках: механізатары рыхтуюць глебу пад сяўбу азімых збожжавых. Не спыняюць работу корманарыхтоўшчыкі: закладзена звыш 29 тысяч тон сенажу. У хлебаробаў ААТ «Аляксеевічы-Агра» можна павучыцца не толькі новым тэхналогіям, але і эканоміі, беражлівасці, уменню правільна выкарыстоўваць сродкі. Дакладная арганізацыя працы дапамагае дабівацца поспехаў на кожным вытворчым участку.
УНП 200098411
