У Беларусі свята шануюць памяць народнага песняра Якуба Коласа. Сёння спаўняецца 140 гадоў з дня яго нараджэння. Дырэктар Дзяржаўнага літаратурна-мемарыяльнага музея Якуба Коласа Ірына Матяс сказала:
- Класікі жывуць вечна ў сваіх творах. Калі мы будзем іх чытаць, яны будуць жыць і ў нашых сэрцах, будуць развіваць наш інтэлект, працягваць падтрымліваць беларускую культуру і нашу краіну ўвогуле.
Музей Якуба Коласа быў адкрыты ў Мінску ў 1959 годзе. Сёння гэта вядучы культурны цэнтр, дзе захоўваецца гісторыя жыцця і творчасці беларускага пісьменніка. Музей размешчаны ў доме, дзе жыў Якуб Колас з 1945 па 1956 год. Статус адзінага мемарыяльнага музея-сядзібы ў Мінску вызначае яго ўнікальнасць сярод іншых літаратурных музеяў сталіцы.
