Сёння спаўняецца 140 гадоў са дня нараджэння народнага паэта Беларусі Якуба Коласа. Сапраўдны марафон гістарычнай памяці, прысвечаны жыццю і творчасці беларускага класіка, пройдзе па ўсёй краіне, анансаваў міністр культуры Анатоль Маркевіч:
Фото из архива СБ
- Сёння ў нас запланавана шмат мерапрыемстваў. Старт ім дадзены тут, на плошчы імя Якуба Коласа. Мы ўскладаем кветкі ля помніка нашага паэта, каб ушанаваць яго памяць. Далей рухаемся на Стаўбцоўшчыну – малую радзіму класіка. У гэтым годзе мы правялі значныя работы на тых сядзібах, дзе жыў і працаваў наш знакаміты зямляк. Напружана папрацавалі над сядзібай Ласток. Нам удалося захаваць яе аўтэнтычны выгляд. Упэўнены, кожны з наведвальнікаў атрымае асалоду ад убачанага.
Завершацца мерапрыемствы ўвечары ў Беларускай дзяржаўнай філармоніі, дзе адбудзецца канцэрт, прысвечаны класікам беларускай літаратуры Якубу Коласу і Янке Купале.
