Сёння ў Беларусі ўспамінаюць аднаго з самых выдатных прадстаўнікоў нацыі: 3 лістапада спаўняецца 140 гадоў з дня нараджэння народнага паэта БССР Якуба Коласа. У Мінску на плошчы імя нашага славутага земляка адбылося ўрачыстае мерапрыемства, дзе старшыня Саюза пісьменнікаў Беларусі Аляксандр Карлюкевіч адзначыў:
Фото из архива СБ
- Усе творы народнага песняра, яго знакамітая трылогія “На ростанях”, паэмы “Новая зямля”, “Сымон-музыка”, неўміручыя вершы і публіцыстычныя звароты да тых, кто адстойваў незалежнасць нашай краіны ў гады Вялікай Айчыннай вайны… Усё гэта грунт жыцця, радасці і трывасці. Сёння сацыяльныя сеткі выводзяць нас у іншыя прасторы, безумоўна, недасягальныя яшчэ некалькі дзесяцігоддзяў назад. Велічыня такіх мастакоў слова, як Якуб Колас, гэта трывалая нітачка нашай сувязі ў стагоддзях, часе і прасторы. Чытайце, шануйце Коласа, вывучайце яго жыццё і вы станеце значна багацейшымі духоўна.
