Сёння ўвечары народны артыст Расіі Ігар Круты выйдзе на сцэну «Мінск-Арэны», каб парадаваць беларускую публіку і атрымаць ад яе віншаванні з юбілеем. Сваё 65-годдзе Ігар Якаўлевіч афіцыйна адзначыў 29 ліпеня, аднак, як водзіцца на эстрадзе, святкаванне расцягнулася на некалькі месяцаў.
Падчас візіту ў Мінск гэтым летам народны артыст прызнаўся, што рэдка ездзіць у туры. Выключэнне — юбілейныя гады. Традыцыя гэта склалася ў 1994-м.
— Добра памятаю свой першы творчы вечар дваццаць пяць гадоў таму. Гучалі «Ангел-хранитель мой», «Любовь, похожая на сон» і іншыя песні... Тады яны былі прэм’ерамі, цяпер гэта ўжо хіты. Што да цяперашняга тура, мне не хацелася будаваць праграму толькі на старых хітах. Будзе шмат новых работ, цікавых артыстаў, сюрпрызаў, — паабяцаў Ігар Круты.
Сёння маэстра выступіць на адной сцэне з Прэзідэнцкім аркестрам Рэспублікі Беларусь. У творчым вечары артыста прымуць удзел Ірына Алеграва, Філіп Кіркораў, Ані Лорак, Мікалай Баскаў, Дымаш Кудайберген, Жасмін, Сяргей Лазараў, Дзіма Білан.
mila@sb.by
Сегодня вечером Игорь Крутой даст большой юбилейный концерт на «Минск-Арене»
Зорны вечар
Полная перепечатка текста и фотографий запрещена. Частичное цитирование разрешено при наличии гиперссылки.