Старшыня Глыбоцкага райвыканкама Алег МОРХАТ з жывёлаводамі Зояй ТОЛМАЧ, Аленай ВЕЛІЧКОВІЧ, Лёляй ПІСКУНОВІЧ, Людмілай РАГОЎСКАЙ, Ірынай КЛІША, якія атрымалі залатыя ювелірныя вырабы.
IРЫНА Кліша, аператар машыннага даення філіяла “Мнюта” ААТ “Глыбоцкі малочна-кансервавы камбінат”, працоўны стаж якой у гэтай прафесіі амаль 40 гадоў, а агульны — 58, якая мае ўжо трох унучак і дзвюх праўнучак, разгубілася не на жарт:
— Падзякі, граматы ёсць, а золата за працу ніколі не атрымлівала!
Дарэчы, жанчына даўно магла б пайсці на заслужаны адпачынак, але любімая справа не адпускае. Па выніках працы за 10 месяцаў ветэран надаіла ад каровы 5512 кілаграмаў малака і заняла ў раёне трэцяе прызавое месца.
Зрэшты, па ўмовах спаборніцтва лепшы аператар машыннага даення, які перасягне планку ў 8 тысяч кілаграмаў малака за год, павінен быў атрымаць машыну. Аднак нікому пакуль што гэта не ўдалося, хоць больш за 7 тысяч кілаграмаў надаілі летась некалькі жывёлаводаў УП “Удзела”.
Але, каб не пакінуць лепшых без важкага заахвочвання, старшыня райвыканкама Алег Морхат вырашыў падарыць ім залатыя ювелірныя вырабы. А машына пачакае да наступнага года.
saulich@bk.ru
Фота Наталлі БЕЛЬСКАЙ