Выставачная зала філіяла Нацыянальнага гістарычнага музея “Дом-музей I з’езда РСДРП” пераўтворыцца на некалькі месяцаў у сапраўдную біялабараторыю з 30 сучаснымі мікраскопамі, дзе наведвальнікі змогуць зазірнуць у невядомае жыццё паўсядзённых рэчаў.
Арганізатары навукова-папулярнай інтэрактыўнай выставы “Таямнічы свет пад мікраскопам” упэўнены, што яна будзе аднолькава цікавая і дзецям, і дарослым. Наведвальнікі экспазіцыі ўбачаць, з чаго складаецца пяро птушкі, лускавінка рыбы, чалавечы волас і многае іншае. Параўнаюць пад шматразовым павелічэннем кроў чалавека і жабы. Паглядзяць скрозь магутныя лінзы на звыклыя крышталі цукру і солі. Будуць прадстаўлены таксама разнастайныя калекцыі гербарыяў і насякомых.
Наведаць экспазіцыю можна з 21 лютага па 7 ліпеня.