Запрашэнне на вяселле

Адзін дзяцюк з нашай вёскі вельмі баяўся сабак. Таму і абыходзіў іх за вярсту

А тут прыспеў час жаніцца. На вяселле найперш рашылі запрасіць усіх родзічаў, каб не крыўдзіліся, што абышлі ўвагай.

І вось ідзе гэты хлопец пасярод вуліцы да дзядзькавай хаты —  далей ад платоў, каб сабака які не выскачыў. Спыніўся ды гукае цераз плот:

— Дзядзька! Го, дзядзька!

— Чаго табе, га? — пытае той.

— Ваш сабака дома?

— Не, збег некуды. А што?

— Ну, то добра. Бацька прасіў і я прашу, каб на вяселле прыйшоў! — пракрычаў дзяцюк і пакіраваўся далей.

— Добра! — адгукнуўся дзядзька са смехам. — Як прыбяжыць, скажу!

Пятро БУРСЕВІЧ

г. Слонім     

 

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?
Новости
Все новости