Незвычайны вечар для аматараў прыгожага «Я любоўю цябе абдымаю...» рыхтуе рэжысёр-пастаноўшчык Вялікага тэатра Беларусі Галіна Галкоўская.
— Я люблю прыгажосць пачуццяў, адносін, учынкаў, намераў. Гэта асабліва важна ў наш час, — тлумачыць Галіна Галкоўская. — Свой шлях у творчасці праходжу так, каб глядач цягнуўся за прыгожым, быццам бы прыўздымаўся на пальчыках, слухаючы высокае мастацтва. І змяняць гэтаму прынцыпу не буду. Хочацца, каб глядач настроіўся — інтэлектуальна, душэўна, маральна — на тое, што будзе адбывацца на сцэне.
А плануецца самы сапраўдны баль. Нездарма Галіна Леанідаўна некалькі гадоў запар распрацоўвала канцэпцыі старанавагодняга балю ў Вялікім тэатры.
— Кожны твор прагучыць нібы гісторыя жыцця, убачаная або расказаная на балі, — гаворыць рэжысёр. — Зазірне сюды і гуляка, і заўсёднік баляў, і аматар пажартаваць... Смешныя, пацешныя, рамантычныя, драматычныя — самыя розныя гісторыі тут будуць адбывацца... Мне падабаецца перыяд мяжы ХІХ—ХХ стагоддзяў — узаемаадносіны людзей, культура, этыкет, адзенне, атмасфера гэтага часу. Буду звяртацца менавіта да яго.
У праграме канцэрта, паведамляе прэс-служба тэатра, беларускія рамансы і выдатныя пераклады рускіх рамансаў на беларускую мову, большасць з якіх не гучала ў сценах Вялікага тэатра. На вечары выступяць народныя артысты Ніна Шарубіна, Васіль Кавальчук, Уладзімір Пятроў, заслужаныя артысты Алена Бундзелева і Алена Сало, лаўрэаты міжнародных конкурсаў Марыя Галкіна, Наталля Акініна, Юрый Гарадзецкі, Ілья Сільчукоў, Аляксандр Міхнюк, Андрэй Мацюшонак, Сяргей Лазарэвіч і іншыя. Тэатралізаваны канцэрт «Я любоўю цябе абдымаю...» пройдзе 24 студзеня ў Камернай зале тэатра.
mila@sb.by
В Большом театре прозвучат редкие романсы на белорусском языке
Запрашэнне на баль
Полная перепечатка текста и фотографий запрещена. Частичное цитирование разрешено при наличии гиперссылки.