Таксама ў дзясятку лепшых увайшлі нацыянальныя і гістарычныя музеі ў Баку, Ерэване, Ташкенце, Кішынёве і Душанбэ. Як удакладняюць супрацоўнікі партала, рэйтынг быў складзены па выніках аналізу папулярнасці музеяў і прапаноў віртуальных тураў па гэтых установах культуры.
Да прыкладу, на сайце музея-запаведніка «Нясвіж» niasvizh.by можна здзейсніць віртуальныя экскурсіі па палацава-паркавым ансамблі Радзівілаў, Ратушы і Слуцкай браме. А ў раздзеле «Музейная скарбніца» на сайце Нацыянальнага гістарычнага музея Беларусі histmuseum.by — пазнаёміцца з яго найбольш каштоўнымі экспанатамі. На партале прадстаўлены не толькі якасныя фотаздымкі аб'ектаў, але і іх падрабязныя апісанні. Наведвальнікі могуць даведацца, напрыклад, што залаты віты бранзалет XII стагоддзя быў знойдзены падчас раскопак Мінскага замчышча і перададзены ў фонды музея ў 1965 годзе Інстытутам гісторыі НАН. А скрыпка ручной работы знакамітага італьянскага майстра Джавані Паола Маджыні была створана ў 1596 годзе і набыта ў прыватнай асобы ў 1973-м. І ўсе гэтыя веды можна атрымаць, не пакідаючы кватэры. Яшчэ больш інфармацыі, экспанатаў, экскурсій, квэстаў, інтэрактыўных гульняў чакаюць наведвальнікаў у сценах беларускіх музеяў.
mila@sb.by
Фота histmuseum.by