Больш за тысячу новых рабочых месцаў створаць на Беларускім металургічным заводзе.
Гэта стане магчымым дзякуючы маштабнай мадэрнізацыі прадпрыемства, якая ўключае стварэнне новай вытворчасці і рэканструкцыю той, што ўжо дзейнічае. Пры гэтым самую вялікую колькасць працаўнікоў чакаюць у новым сортапракатным цэху.
— Набіраць сюды людзей пачнуць у першым паўгоддзі 2014 года, — расказвае Аляксандр Алесік, прэс-сакратар БМЗ. — Пакуль жа на аб’екце актыўна ідуць будаўнічыя і мантажныя работы.
Акрамя таго, у снежні гэтага года 52 чалавекі набяруць у капаравы цэх, дзе будзе ўведзена ў эксплуатацыю новая вапна-абпальная ўстаноўка. Сярод іх — машыністы кранаў, электраманцёры, слесары. Пасля рэканструкцыі рабочыя рукі спатрэбяцца і ў электрасталеплавільнай вытворчасці, куды дадаткова змогуць уладкавацца 38 чалавек.
