Мяркуецца, што фільм будзе нечым падобны да паспяховай карціны “Легенда № 17” пра вядомага хакеіста Валерыя Харламава, роль якога таксама выканаў Даніла Казлоўскі. Да таго ж у здымках стужкі пра Юрыя Сталешнікава прымае ўдзел “Студыя Трытэ Мікіты Міхалкова”.
— Я заўсёды марыў сыграць футбольнага трэнера, — прызнаўся Казлоўскі. — Калі мы пачалі працаваць над фільмам “Трэнер”, я планаваў быць толькі прадзюсарам і акцёрам, але ў нейкі момант зразумеў, што не магу і не хачу давяраць нікому гэтую гісторыю, хачу распавесці яе сам — як рэжысёр. Для мяне гэта гісторыя пра запал, пачуцці, эмоцыі... Пра тое, як маленькая група людзей у далёкім правінцыяльным горадзе змяніла свет вакол сябе.
Акрамя Казлоўскага, у фільме “Трэнер” здымуцца Уладзімір Ільін, Андрэй Смалякоў, Вольга Зуева, Аляксандр Ільін і іншыя. Здымкі пройдуць у Маскве, Краснадары, Лондане вясной і летам 2017 года. А ў красавіку 2018, якраз напярэдадні чэмпіянату свету па футболе, “Трэнер” выйдзе ў шырокі пракат.
mila@sb.by
