«Ён такі адважны з дзяцінства»

Спасение двух сестер на Двине. Мы отыскали участников резонансного происшествия

Для супрацоўніка МНС Мікіты Грыгор’ева спякотны летні вечар чацвярга не павінен быў стаць асаблівым. Але ўсё змянілася, калі падчас адпачынку на беразе Заходняй Дзвіны ён пачуў крыкі: «Ратуйце!» На дапамогу клікалі дзве дзяў-чынкі, якія зусім выбіліся з сіл і пачалі тануць…

Мікіта Грыгор'еў, камандзір аддзялення ПАСП № 11 Наваполацкага гарадскога аддзела па надзвычайных сітуацыях, памятае здарэнне вельмі выразна:

— Гэта быў мой выхадны, я адпачываў на гарадскім пляжы. Людзей было шмат: хтосьці плаваў, некалькі кампаній сядзелі на беразе. Раптам я пачуў крыкі — дзве дзяўчынкі махалі рукамі і па чарзе знікалі пад вадой. Я адразу ж кінуўся да іх: хутка падплыў, схапіў абедзвюх і пацягнуў на бераг. Школьніцу трымаў пад рукі, а яе сястра ўмела плаваць, таму толькі трымалася за маё плячо. 

Выратаваныя — стрыечныя сёстры: 12-гадовая Паліна, вучаніца 6-га класа Бігосаўскай сярэдняй школы Верхня-дзвінскага раёна, і 17-гадовая Маргарыта, студэнтка 1-га курса Полацкага педагагічнага коледжа. Алена Дзмітрыеўна, мама Маргарыты, да гэтага часу не можа прыйсці ў сябе:

— Я была ў гэты час на працы, дзяўчынкі скарысталіся сітуацыяй і пайшлі на рэчку: мы жывём побач. Як яны мне пасля распавялі, Паліну знесла цячэннем, а Марго паплыла яе ратаваць, але сіл не хапіла. Дадому яны вярнуліся напалоханыя, бледныя. Даведаўшыся пра ўсё, я моцна лаялася, ледзь інфаркт не здарыўся. Мы вельмі ўдзячныя гэтаму хлопцу за такі ўчынак. Няхай Бог дасць яму здароўя!

Зараз дзяўчынкі адпачываюць на дачы, з імі ўсё добра. Сёстры ўпэўненыя, што гэты ўрок яны запомняць назаўсёды:

— Паліна не ўмее плаваць, — успамінае той дзень Маргарыта, — таму яна сядзела каля берага. А я купалася далёка. У нейкі момант ёй стала сумна, і яна паплыла за мной. Я адразу папярэджвала: «Поля, не плыві сюды, тут глыбока». Але яна не паслухала і стала тануць. Спачатку я спрабавала яе выцягнуць, але калі зразумела, што сіл ужо няма, стала клікаць на дапамогу. 

А вось мама Мікіты, Марына Міхайлаўна, не сумнявалася, што сын паступіць менавіта так: «Ён быў адважным з дзяцінства, заўсёды абараняў слабых. Мікіта выратаваў дзяўчынак па закліку сэрца, а не для славы. Безумоўна, я ім ганаруся!»

Мікіта Грыгор'еў: «Я адразу ж кінуўся да іх: хутка падплыў, схапіў абедзвюх і пацягнуў на бераг».

У выхадныя захаваецца спякотнае надвор'е, і, зразумела, многія накіруюцца да вадаёмаў. Адпачынак на вадзе — гэта цудоўна, але, на жаль, не ўсе памятаюць аб небяспецы, якая падсцерагае купальшчыкаў. Адсюль і сумная статыстыка: сёлета з пачатку адкрыцця купальнага сезона ўжо патанула 179 чалавек, з іх 17 непаўналетніх. Па словах спецыялістаў Рэспубліканскага дзяржаўна-грамадскага аб'яднання «Беларускае рэспубліканскае таварыства выратавання на водах», назіраецца рост няшчасных выпадкаў у параўнанні з мінулым годам. Таму будзьце асцярожныя, беражыце сябе і ні ў якім разе не пакідайце дзяцей без нагляду.

Хрысціна ГЛУШКО.

glushko@sb.by

Фото МЧС

Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter
Загрузка...
Новости