Яркая кропка на маршруце

Вызов экстренных служб, карта города и Wi-Fi: чем смогут пользоваться пассажиры на первой умной остановке

Адкрыты аўкцыён па продажы права арэнды адкрытай пляцоўкі на пяць гадоў для размяшчэння «Разумнага прыпынку» аб’явіў Мінскі гарадскі цэнтр нерухомасці. 

Павільён усталююць у людным месцы.

Для абсталявання «Разумнага прыпынку» абрана тэрыторыя плошчай 40 «квадратаў», на якой знаходзіцца прыпыначны пункт «Ст.м. «Няміга», калі ехаць у бок Вялікага опернага тэатра. 

— Гэта дастаткова люднае месца ў цэнтры горада, побач выхад з метро, гістарычны цэнтр, — растлумачыў такі выбар Ціхан Чашэйка, намеснік начальніка аддзела па арганізацыі і правядзенні аўкцыёнаў і конкурсаў Мінскага гарадскога цэнтра нерухомасці.

Па ўмовах аўкцыёну прыпыначны павільён с трыма сценамі неабходна абсталяваць праграмна-апаратным комплексам і процівандальным інфармацыйным
сэнсарным экранам. Дзякуючы яму пасажыры змогуць даведацца аб кошце праезду, маршрутах пасажырскага транспарту і раскладзе іх руху, у тым ліку актуальную інфармацыю аб прыбыцці на гэты прыпынак бліжэйшага і наступнага аўтобуса ці тралейбуса. Калі ў маршрутах транспарту, які ходзіць праз гэты прыпанак, адбудуцца змяненні, яны таксама адлюструюцца на экране. І гэта яшчэ не ўсё: некалькімі дотыкамі да інфармацыйнага экрана можна будзе «выклікаць» карту горада, яго славутасці і аб’екты агульнага харчавання, а таксама пракласці аптымальны маршрут да іх. У выпадку ўзнікнення надзвычайных сітуацый экран абавязкова аб гэтым абвесціць. 

Акрамя таго, у прыпыначным павільёне прадугледжаны кнопкі экстраннага рэагавання для выкліку медыкаў, супрацоўнікаў міліцыі або МНС.

Бавячы час у чаканні патрэбнага транспарту, пасажыры змогуць бясплатна зарадзіць свой мабільны тэлефон або планшэт, а таксама зрабіць неабходныя плацяжы праз тэрмінал самаабслугоўвання. Не забыліся і пра людзей з абмежаванымі магчымасцямі: актывізацыя спецыяльнай таблічкі паведаміць вадзіцелю аб прысутнасці на прыпынку інваліда. Ну і, зразумела, «Разумны прыпынак» павінен прадастаўляць пасажырам бясплатны Wi-Fi. 


Варта ведаць і пра тое, што павільён з высокатэхналагічным абсталяваннем будзе аснашчаны камерамі відэаназірання.

Зрэшты, такія прыпынкі – звычайная практыка ў многіх еўрапейскіх гарадах. Два гады таму падобны, толькі з меншым наборам функцый, з’явіўся ў Гомелі, на прыпынку «Фабрыка «8 Сакавіка». У Мінску ж ён будзе першым, але, верагодна, не апошнім.

— Гэта пілотны праект, і калі ён стане паспяховым, магчыма, з’явіцца цэлая канцэпцыя абсталявання горада такімі інтэрактыўнымі прыпынкамі, — зазначыў Ціхан Чашэйка. 

Аўкцыённымі таргамі, якія пройдуць 7 снежня, ужо заці-кавіліся некаторыя арганізацыі. Між тым зусім нятанны аб’ект з’яўляецца ў першую чаргу сацыяльным. Размяшчэнне гандлёвых павільёнаў на пляцоўцы цалкам выключаецца. Але побач захаваюцца кіёскі «Белсаюздруку» і «Мінсктранса».

nevmer@sb.by

Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter
Автор фото: Юрий МОЗОЛЕВСКИЙ
Загрузка...
Новости