Як працуюць iнвестыцыi

Хто даўно не быў ва Ушачах, не пазнае былы стары магазiн «На Вiцебскай»...

Хто даўно не быў ва Ушачах, не пазнае былы стары магазiн “На Вiцебскай”, назва якога адпавядае назве вулiцы райцэнтра. Цяпер гэта сучасны унiверсам, дзе калектывам з дзесяцi прадаўцоў кiруе загадчыца абноўленага прадпрыемства гандлю Святлана Грыневiч.

Верагодна, што рэканструкцыю паскорыла актыўнае жыллёвае будаўнiцтва ў гэтай частцы раённага гарадка. Трэба аддаць належнае, што кiраўнiцтва Ушацкага райспажыўтаварыства на чале са старшынёй праўлення Уладзiмiрам Круглiкам своечасова прыняла неабходныя меры. Рэканструкцыя гандлёвага аб’екта “На Вiцебскай” выдзелiлася ў шэраг прыярытэтных, атрымала надзейнае фiнансаванне. Як вынiк, прыкметна вырас тавараабарот. З пачатку года ўнiверсам рэалiзаваў розных тавараў амаль на мiльярд рублёў. I продаж працягвае ўзрастаць.

Пакупнiкi задаволены насычанасцю i асартыментам тавараў. Безумоўны прыярытэт у iх складаюць вырабы айчынных таваравытворцаў. Нямала i ўласнай вытворчасцi – з кандытарскага цэха, прадпрыемстваў каапнарыхтпрама. Нязменным поспехам i попытам карыстаюцца мясцовыя паўфабрыкаты, кулiнарныя вырабы, мясапрадукты i асаблiва смачны ўшацкi хлеб.

Заметили ошибку? Пожалуйста, выделите её и нажмите Ctrl+Enter