Выстава, адзначаюць арганізатары, прэзентуе работы фатографаў і мастакоў з 12 краін: Азербайджана, Арменіі, Беларусі, Вялікабрытаніі, Германіі, Грузіі, Іспаніі, Літвы, Польшчы, Расіі, Славакіі, Бельгіі. Усяго наведвальнікі ўбачаць каля 250 твораў, сярод якіх — архіўныя здымкі, сучасныя фатаграфічныя праекты, плакаты, скульптурныя аб’екты на тэму спорту. Больш за дваццаць скульптур прадставіць Цэнтр Гейдара Аліева ў Азербайджане — мінчане і госці сталіцы ўбачаць работы, якія экспанаваліся на выставе, прымеркаванай да І Еўрапейскіх гульняў.
Цэнтральная калекцыя экспазіцыі «Спорт — гэта высокае мастацтва» — матэрыялы са збору Беларускага дзяржаўнага архіва кінафотафонадакументаў, якія ілюструюць культуру спартыўнага цела ў савецкі перыяд. Гэта фатаграфіі і кінакадры спаборніцтваў, усесаюзных спартакіяд, спартыўных парадаў, працэсу падрыхтоўкі і трэніроўкі спартсменаў, партрэты чэмпіёнаў таго часу. Выставу «Спорт — гэта высокае мастацтва» можна будзе наведаць да 4 жніўня.
mila@sb.by
