Стужка пацвердзіла свой трыумф і ў іншых намінацыях, паведамляе ria.ru. Кінакрытыкі прызналі Чжао пераможцай у намінацыі «Лепшы рэжысёр», а выканаўцу галоўнай ролі, уладальніцу двух «Оскараў» Фрэнсіс Макдорманд назвалі лепшай актрысай года. Варта адзначыць, што ў фільма «Зямля качэўнікаў» ужо ёсць адна прэстыжная ўзнагарода — мінулай восенню стужка атрымала «Залатога льва» на Венецыянскім кінафестывалі.
Акрамя гэтага, члены Нацыянальнага грамадства кінакрытыкаў ЗША адзначылі за лепшую акцёрскую гульню Дэлроя Ліндо («Пяцёра адной крыві»), Марыю Бакалаву («Борат-2») і Пола Рэйсі («Гук металу»). Прыз за лепшы сцэнарый атрымала Эліза Хітман за драму «Ніколі, рэдка, часам, заўсёды». Лепшым замежным фільмам стаў «Калектыў» (Румынія), лепшай дакументальнай стужкай — «Час» Гарэта Брэдлі.
mila@sb.by
