Вельмі цікавы квадрат

Цэны на новыя кватэры сталі расці, а попыт не зніжаецца

Колькасць уводзімых жылых «квадратаў» у будаўніцтве зніжаецца, а цікавасць да новабудоўляў застаецца вельмі высокай. Крэдыты з пачатку года патаннелі і падштурхнулі тых, хто даўно марыў аб запаветным жыллі, але не адважваўся на дарагую куплю, больш актыўна звяртацца ў банкі і падпісваць дамовы з забудоўшчыкамі. Па ацэнцы рыэлтараў, самымі запатрабаванымі на рынку застаюцца танныя кватэры.


Жадаючых набыць абсалютна новую кватэру заўсёды было шмат, а стаўкі па крэдытах, якія прыкметна знізіліся, актывізавалі пакупнікоў. Калі раней многія
разлічвалі толькі на малагабарытную «хрушчоўку» не ў самым лепшым стане, то сёння даступныя крэдыты дазваляюць людзям выбіраць жыллё на першасным рынку. Пры гэтым цэны на новабудоўлі сталі прыкметна расці. Аднак самымі папулярнымі пакуль застаюцца кватэры з мінімальным коштам. Кіраўнік «Твая сталіца — Новабудцэнтр» Наталля Радзеня каментуе сітуацыю:

— Актывізацыя попыту ў дачыненні да новабудоўляў, якая была абумоўлена зніжэннем ставак крэдытавання, паўплывала на цэны на кватэры. У канцы лета яны пачалі паўзці ўверх. У выніку за восеньскія месяцы новабудоўлі класаў «Эканом» і «Стандарт» падаражэлі ў сярэднім на 2%, а класаў «Камфорт» і «Прэстыж» — на 3%. Нягледзячы на адсутнасць недахопу попыту на рынку новабудоўлі, і нават наадварот, яго актыўную фазу, у выйгрышным становішчы працягваюць знаходзіцца тыя забудоўшчыкі, хто да гэтага часу не пайшоў на павышэнне цэн. 


На думку рыэлтараў, такім інтэнсіўным павышэннем коштаў забудоўшчыкі могуць зрабіць сабе толькі горш, паколькі цікавасць у пакупнікоў выклікаюць далёка не ўсе прадстаўленыя на рынку прапановы. Што тычыцца попыту, то для большасці пакупнікоў ідэальная кватэра — гэта кватэра мінімальнай плошчы, але з максімальнай колькасцю пакояў. Гэтыя асаблівасці попыту ўжо знайшлі сваё адлюстраванне ў з'яўленні кватэр так званага «еўрафармату». Напрыклад, аднапакаёвая кватэра плошчай 42—44 кв. м зараз носіць ганарлівую назву «еўрадвушка» і досыць удала прадаецца.

Заметили ошибку? Пожалуйста, выделите её и нажмите Ctrl+Enter
Автор фото: Александр КУШНЕР
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?
Новости