Вельмі паказальная дынаміка

Колькасць трансплантацый у Беларусі за апошнія дзесяць гадоў вырасла ў дзясяткі разоў
“Калі гаварыць пра колькасць праве­дзеных аперацый, то з 2005 года іх лік павялічыўся больш як у 55 разоў. Шмат у чым гэта стала магчымым дзякуючы таму, што мы паралельна з пасмяротным донарствам развівалі донарства ад жывых донараў. Сёлета будзе выканана больш за 500 трансплантацый органаў”, — растлумачыў загадчык аддзела нефралогіі, нырачна-замяшчальнай тэрапіі і трансплантацыі ныркі 9-й гарадской клінічнай бальніцы Мінска Алег Калачык, прадстаўляючы сваю работу “Распрацоўка і ўкараненне тэхналогіі трансплантацыі органаў у дзяцей і дарослых”, якая вылучана на суісканне дзяржаўных прэмій у галіне навукі і тэхнікі 2016 года.


Алег Калачык, загадчык аддзела нефралогіі, нырачна-замяшчальнай тэрапіі і трансплантацыі ныркі 9-й гарадской клінічнай бальніцы Мінска:
Калі гаварыць пра колькасць праведзеных аперацый, то з 2005 года іх лік павялічыўся больш як у 55 разоў


Алег Калачык нагадаў, што ў краіне  створана служба каардынацыі органнага донарства, якая пастаянна займаецца выяўленнем патэнцыйных донараў. “Дзякуючы гэтаму Беларусь павялічыла колькасць органных донараў у 42 разы ў параўнанні з базавымі лічбамі. Гэта мела сваё адлюстраванне ў міжнародным рэйтынгу — наша краіна цяпер займае 10 месца сярод краін, якія маюць трансплантацыйную актыў­насць”, — адзначыў ён.

Акрамя таго, паводле слоў спецыяліста, з 2006 года члены аўтарскага калектыву прымалі актыўны ўдзел у рабоце над зменай трансплантацыйнага заканадаўства. У выніку гэтага сёння ў  краіне ёсць прагрэсіўны закон, які дазваляе кожнаму грамадзяніну Беларусі атрымаць права ў аказанні спецыялізаванай медыцынскай дапамогі ў выглядзе трансплантацыі.


Трансплантацыя ўжо стала своеасаблівым брэндам беларускай медыцыны. Фактычна быў створаны новы напрамак у клінічнай медыцыне краіны. “Да таго ж мы забяспечылі рост экспарту медыцынскіх паслуг, летась ён склаў больш за 5 мільёнаў долараў. Намі дасягнуты эканамічны эфект, які перавышае 45 мільёнаў еўра толькі за кошт эканоміі затрат на адпраўленне пацыентаў за мяжу”, — прывёў пе­раканаўчыя факты спецыяліст.

Уладзімір Веліхаў

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?
Новости