Конфеты под шоковой заморозкой, в том числе и в новогодних подарках: на «Коммунарке» запустили новую технологическую линию

На мінулым тыдні месцамі выпаў снег. І хоць ён хутка сышоў — вось яно, набліжэнне зімы, першыя пераднавагоднія званочкі. Настрой гэтага свята ствараюць духмяныя мандарыны, цёплыя світары з аленямі і, вядома ж, любімыя з дзяцінства пачастункі ад Дзеда Мароза — цукеркі. Добрая навіна напярэдадні чаканага свята: кандытарская фабрыка «Камунарка» ўжо на ўсю моц рыхтуецца да выпуску навагодніх ласункаў. 

Асартымент прадукцыі новай лініі разнастайны. Ёсць шакалад з фруктовымі начынкамі — з пюрэ з чорных парэчак, журавін, абрыкоса, а таксама з салёнай карамеллю.

Да таго ж на прадпрыемстве ўчора запусцілі новую тэхналагічную лінію па вытворчасці шакаладу і шакаладных цукерак метадам адліўкі — халодны штамп. Навінкі ад прадпрыемства папоўняць у тым ліку і серыю навагодніх падарункаў. 

Асартымент для будучай лініі на кандытарскай фабрыцы падабралі загадзя, вывучыўшы густ і пе­равагі пакупнікоў. Лінія была індывідуальна выраблена па заказе прадпрыемства, яе ўзводзілі больш за год. Сёлета «Камунарка» плануе выпусціць больш як мільён навагодніх набораў — вагой ад 300 грамаў да 3 кілаграмаў.

— Пры вытворчасці прадукцыі на дадзенай лініі мы ўлічылі сучасныя трэнды здаровага харчавання — начынка з натуральнага пюрэ, сушаныя ягады і арэхі, —распавяла карэспандэнту «Р» галоўны тэхнолаг кандытарскай фабрыкі Алеся Ганчарова. — Усё лепшае і самае карыснае — дзецям, і каб яны сустрэлі навагоднія святы больш радасна, мы стварылі лінейку «Дзіцячыя гісторыі», дзе абышліся без кандытарскага тлушчу на аснове пальмавага алею, замянілі яго камбінацыяй какава-масла з алеем шы. 

ikras@sb.by