Сямікіламетровы ўчастак трасы М6 Мінск—Гродна ў раёне Шчучына плануюць здаць у эксплуатацыю да верасня.
— Тут уладкуюць чатырохпалосную дарогу з раздзяляльнай паласой і дзвюма двухузроўневымі развязкамі, — паведаміў старшыня Гродзенскага аблвыканкама Уладзімір Краўцоў. — Кошт работ складзе 120 млрд. рублёў.
Што тычыцца іншых участкаў аўтадарогі, то зараз распрацаваны архітэктурны праект, ён праходзіць экспертызу. Абмяркоўваюцца крыніцы фінансавання, у тым ліку за кошт крэдытных рэсурсаў Сусветнага банка і інвестараў. Губернатар выказаў надзею, што яшчэ да канца бягучага года атрымаецца завяршыць праектныя работы, вызначыць інвестара, падрадчыкаў і пачаць будаўніцтва.
