Ураджай залежыць і ад дрэнажу

Яшчэ пад завязку снегу і прамёрзлая зямля. Аднак на палях ААТ «Узмёнскі край» і «Чэрасы» Міёрскага раёна поўным ходам вядуцца земляныя работы. Меліяратары мясцовай ПМС займаюцца ўкладкай дрэнажу

— Справа ў тым, што сувязісты пракладвалі кабель і сур’ёзна парушылі меліяратыўную сістэму, — тлумачыць прараб аб’екта Мікалай Лаўрыновіч.— Даводзіцца цяпер рамантаваць яе.

У брыгадзе дрэнажнікаў — 5 чалавек: брыгадзір Аляксандр Качан, машыніст экскаватара ЭТЦ -202 Мікалай Усціновіч, яго памочнік Мікалай Епіфанаў, рабочыя Сяргей Грыгор’еў і Яўген Вайцюль.

— Работы пачалі яшчэ ў лютым, — уступае ў гаворку экскаватаршчык Мікалай Усціновіч. — Хутка, як летам, рухацца не даводзіцца, але і на месцы не стаім. Сёння, як бачыце (паказвае на роўныя доўгія канаўкі чарназёму на белым снезе), таксама нямала прайшлі. Канечне, зямля месцамі прамёрзла на паўметра. Але гэтаму даём рады. Глебу нам рыхліць на магутным трактары Т-130 Сяргей Ліпскі. Так што стаяць не даводзіцца. Праклалі дрэнажу 6 кіламетраў. Засталося столькі ж.

Узнікае законнае пытанне: «А навошта так спяшацца? Ці не лепш было б пачакаць цёплых дзянькоў і ўсё зрабіць у нармальных умовах?»

Мы павінны здаць гатовае поле, 56 гектараў, да пасяўной, — адказваюць меліяратары. — І пастараемся не падвесці хлебаробаў!

Уладзімір САУЛІЧ, “БН”

 Фота аўтара

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?
Новости
Все новости