Уліп ты, Орлік, дык уліп

Конь збочыў са звыклага шляху і трапіў у меліярацыйны канал

Вечарам, калі Андрэй Клімовіч з вёскі Завішша Іванаўскага раёна вяртаўся з агарода на дзесяцігадовым Орліку, конь збочыў са звыклага шляху і трапіў у меліярацыйны канал.

Гаспадар з жахам глядзеў, як, імкнучыся выбрацца, Орлік усё больш загразаў у глеі, ды так, што на паверхні засталася толькі галава. Выратаваць яго спрабаваў з пляменнікам, але сіл не хапала.

Пакуль Андрэй Варфаламеевіч выклікаў выратавальнікаў, да канала збегліся вяскоўцы, а мясцовы інжынер нават прыгнаў трактар.

Праз дзве гадзіны Орліка выцягнулі, вось толькі дадому ён не спяшаўся, блукаў побач з каналам. Відаць, запамінаў, куды ў наступны раз лепш не лезці.

Заметили ошибку? Пожалуйста, выделите её и нажмите Ctrl+Enter