Каля Гродна пройдзе этап Кубка свету па ракетна-мадэльным спорце.
— У надыходзячыя выхадныя каля вёскі Путрышкі прадстаўнікі васьмі краін будуць змагацца за перамогу ў запуску мадэляў ракет, — паведаміў загадчык лабараторыі ракетна-касмічнага мадэліравання абласнога цэнтра творчасці навучэнцаў Аляксандр Ліпай. — Адкрыццё спаборніцтваў прымеркавана да Дня касманаўтыкі: у суботу ў неба ўзляціць копія ракеты «Усход-1».
Гледачоў запрашаюць наведаць «касмадром» у нядзелю — у першай палове дня тут пройдуць самыя відовішчныя запускі радыёкіраваных мадэляў ракет.
