Заступаю на дзяжурства разам з экiпажам ДПС спецыяльнага падраздзялення па забеспячэннi дарожнай бяспекi ДАI ГУУС Мiнгарвыканкама.
Такая служба
Заступаю на дзяжурства разам з экiпажам ДПС спецыяльнага падраздзялення па забяспячэннi дарожнай бяспекi ДАI ГУУС Мiнгарвыканкама. Правяраем вадзiцеляў выбарачна, звяртаючы асаблiвую ўвагу на дзiўныя паводзiны — напрыклад, калi яны рэзка змяняюць курс або робяць незразумелыя манеўры, прыкмецiўшы нас. Таксама нашу ўвагу прыцягваюць змерзлыя непрагрэтыя машыны, якiя толькi адправiлiся ў дарогу, i з запацелым шклом.За першыя гадзiны праверкi нiводнага нецвярозага вадзiцеля не выявiлi. Траплялiся стомленыя i «памятыя», але без вiдавочных прыкмет алкагольнага ап’янення — iх гаворка выразная, вочы без пачырваненняў, трэмару рук няма i хада ўпэўненая. Адначасова iнспектары ДПС ДАI правяраюць i ўсе неабходныя дакументы — пасведчанне вадзiцеля, страхоўку, цi пройдзены тэхагляд. За першыя тры днi года на дарогах краiны выяўлена 505 бяспраўнiкаў.
Правяраем вадзiцеляў выбарачна.
Чарговая праверка дакументаў, спынiлi таксi з запацелым шклом. Вадзіцель прыкметна нервуецца. Iнспектары ДАI просяць яго прайсцi ў патрульную машыну. У салоне, у цяпле можна больш выразна ўлавiць пах алкаголю.
— Вы ўжывалi алкаголь? Як даўно? — задае пытаннi iнспектар.
— Сёння не пiў. Напярэдаднi ўвечары выпiў крыху пiва, — вочы таксiста Юрыя па-здраднiцку блiшчаць.
Інспектары ДПС ДАI правяраюць i ўсе неабходныя дакументы — пасведчанне вадзiцеля, страхоўку, цi пройдзены тэхагляд.
Кожны такi дыялог запiсваецца на вiдэарэгiстратар — у патрульнай машыне i на грудзях iнспектараў. Сумненнi, як i пары алкаголю, што выдыхае таксiст, лунаюць у салоне патрульнай машыны. Таму Юрый адпраўляецца з намi ў аддзяленне медыцынскай экспертызы, што на вулiцы Мiнiна. Якраз недалёка, 10 хвiлiн язды. Добра, што ў таксi не было пасажыраў, — паездка была б безнадзейна сапсавана.
Юрый будзе дзьмуць
Дапушчальны ўзровень алкаголю ў крывi вадзiцеляў — 0,29 прамiле. Яго правяраюць на спектрафатометры.— Рукамi трубку не чапайце, набярыце поўныя лёгкiя паветра i дзьмiце, пакуль рухаецца шкала на дысплеi, — медсястра падносiць трубку да рота вадзiцеля.
Дапушчальны ўзровень алкаголю ў крывi вадзiцеляў — 0,29 прамiле. Яго правяраюць на спектрафатометры.
Апарат спачатку сам сябе прадзьмуў паветрам. Таксiст пачаў дзьмуць, шкала павольна папаўзла. I паказала 0,19 прамiле. Пашанцавала Юрыю: спiрт паспеў растварыцца ў яго арганiзме да дапушчальных канцэнтрацый.
За язду ў нецвярозым стане, перадачу кiравання чалавеку ў стане алкагольнага ап’янення або адмову ад праходжання медагляду вадзiцелю пагражае штраф ад 50 да 100 базавых, а таксама пазбаўленне права кiравання любым транспартам на 3 гады. За паўторнае кiраванне ў стане алкагольнага ап’янення — канфiскацыя транспарту. Бяспраўнiкам пагражае штраф ад 5 да 20 базавых, а за такое ж паўторнае парушэнне прадугледжаны штраф ужо ад 20 да 50 базавых велiчынь або адмiнiстрацыйны арышт.
Чарговая праверка дакументаў, спынiлi таксi з запацелым шклом. Вадзіцель прыкметна нервуецца.
Рэйды па выяўленні нецвярозых вадзіцеляў працягнуцца.
ikras@sb.by