У Астраўцы прайшоў дзень падпісчыка газеты “Советская Белоруссия”

Каля Астравецкага вузла паштовай сувязі 19 чэрвеня прайшоў дзень падпісчыка газеты “Советская Белоруссия”.


Вядучымі і арганізатарамі творчай часткі мерапрыемства сталі бібліятэкары ДУК “Астравецкая раённая бібліятэка”. Госцем у той дзень быў кіраўнік карэспандэнцкага пункта газеты “Советская Белоруссия” па Гродзенскай вобласці Уладзімір Уладзіміравіч Козыраў. Ён падзякаваў усіх за ўвагу да галоўнага перыядычнага выдання рэспублікі, прапанаваў падпісацца на газету, а таксама прыняць удзел у латарэі. Са словамі прывітання выступіла і кіраўнік Астравецкага раённага вузла паштовай сувязі Ігнатовіч Тарэса Станіславаўна, яна падзякавала супрацоўнікаў раённага аддзела ідэалогіі, культуры і па справах моладзі за творчы падыход у арганізацыі канцэрта, запрасіла ўсіх патэнцыяльных падпісчыкаў падпісацца на рэспубліканскія перыядычныя выданні і пажадала усім добра правесці час.

А далей адбылося сапраўднае дэфіле мадэляў, але не ў звычайных касцюмах, а ў газетных уборах! Тут былі прадстаўлены і адкрытыя сукенкі, і адзенне на “выхад”, і убор для тэматычных мерапрыемстваў. Мадэлі прадэманстравалі газетныя аксесуары: шляпкі, парасоны, сумачкі. Гледачы, якіх збіралася ўсё больш, горача прымалі выхад удзельнікаў паказу. А далей усіх чакала канцэртная праграма з удзелам галасістай і задорнай Капіталіны Пятроўскай і Аляксандра Якіменкі, бібліятэкара Дайлідскай сельскай бібліятэкі Дзмітрыя Максімава, які сам складае байкі і піша вершы, а таксама народнага ансамбля народнай песні “Світанак”. Нават прахожыя спыняліся, падыходзілі і дзівіліся, што каля пошты так незвычайна весела і цікава. Агульнымі намаганнямі з удзелам нераўнадушных да друкаванага слова людзей  прайшло яшчэ адно мерапрыемства, прысвечанае  перыядычным носьбітам інфармацыі.