Мінулы тэатральны сезон быў азмрочаны каронавіруснай сітуацыяй. Многія трупы вымушаны былі пайсці ў незапланаваны адпачынак, хтосьці асвоіў анлайн-фармат, хтосьці сканцэнтраваўся на рэпетыцыях. І гледачы, і тэатральныя дзеячы вельмі спадзяюцца, што ў новым сезоне атрымаецца вярнуцца да ранейшага рытму.
Народная артыстка Вольга Клебановіч паставіць містычны дэтэктыў «Браты Карамазавы» Фёдара Дастаеўскага і камедыю «Адзіны спадчыннік» Жана-Франсуа Рэньяра. Заслужаны дзеяч мастацтваў Валянціна Еранькова возьмецца за «Трамвай «Жаданне» Тэнесі Уільямса. Гэта самая вядомая п’еса амерыканскага драматурга. За яе Уільямс атрымаў у 1948 годзе Пулітцэраўскую прэмію, а ў 1952-м быў вылучаны на атрыманне прэміі «Оскар» як найлепшы сцэнарыст за адаптацыю п’есы для кінаэкрана. Сам Сяргей Кавальчык будзе працаваць над рок-операй «Граф Монтэ-Крыста» па рамане Аляксандра Дзюма.
mila@sb.by
Фота rustheatre.by
