У першы дзень адбудуцца конкурсныя выступленні маладых фокуснікаў, якія пазмагаюцца за званне найлепшага ў трох намінацыях: “Сцэнічная магія”, “Мікрамагія” і “Ментальная магія”. Пераможцаў вызначыць журы, у склад якога ўвойдуць мэтры-ілюзіяністы з розных краін. А ў другі дзень на сцэне Гродзенскага абласнога драматычнага тэатра — два гала-канцэрты з удзелам зорак магічнага мастацтва. Сярод іх — вядомы расійскі ілюзіяніст Раман Боршч, які здзівіць гродненцаў сваім неверагодным нумарам, а для калег правядзе семінар на тэму “Як ствараць вядомы вобраз на сцэне”.
